एकता युवक मंडळा कांगळी गल्लीच्या वतीने नवरात्री निमित्य विविध कार्यक्रमांचे आयोजन करण्यात आले आहे. गेल्या सहा वर्षा पासून या मंडळाच्यावतीने दुर्गापूजा आयोजन करण्यात येत असते यावर्षी मूर्तिकार संजय किल्लेकर यांनी बनवलेली दुर्गामातेची आकर्षक मूर्ती सर्वांचे लक्ष वेधून घेत आहे.
बुधवारी रात्री मिरवणुकीने दुर्गामातेची मूर्ती आणून गल्लीत स्थापन करण्यात आली आहे या निमित्ताने गल्लीभर पेंडाल घालण्यात आला असून आकर्षक सजावट करून विद्युत रोषणाई करण्यात आली आहे.गल्लीच्या समोर फलका द्वारे दुर्गामातेच्या नऊ वेगवेगळ्या रुपांची माहिती,नवरात्रीची माहिती दिली आहे.
शनिवारी दुपारी देवी समोर महिलांचा कुंमकुम,कांकणे भरणे तर रविवारी महा महाप्रसाद आणि मंगळवारी नव चंडिका होम केला जाणार आहे. नवरात्रीत दररोज सायंकाळी साडे सात वाजता आरती असते यात या भागातील शेकडो भाविक सहभागी होत असतात.
