पी एल डी बँक अध्यक्ष उपाध्यक्ष निवड हा काँग्रेस पक्षाचा विजय आहे हा लक्ष्मी हेब्बाळकर किंवा सतीश जारकीहोळी यांचा विजय नाही त्यामुळे कुणीही संभ्रमात राहू नये अस वक्तव्य सतीश जारकीहोळीनी केलंय.बेळगावात पत्रकारांशी बोलताना त्यांनी हे वक्तव्य केलंय.
पक्षाच्या हिताचा विचार करून हा निर्णय घेण्यात आला असून सर्व संमतीने बिन विरोध निवड झाली आहे स्थानिक पातळीवर निवडणूक झाली राज्यातील सहा कोटी जनतेने हा विषय पाहिलंय त्यामुळे हा विषय इथेच संपला आहे कुणाची हार किंवा कुणाची जीत झाली नसून पक्ष जिंकलाय असे देखील त्यांनी म्हटलं आहे.
लोकसभा निवडणूक पुढे ढकलण्याची शक्यता असून मंत्री पदाला मी हापापलो नाही त्यामुळं बेळगाव लोकसभेचे तिकीट देखील घेण्याचा माझा विचार नाही तिकीट देणें मंत्री पद देणे याबाबत हाय कमांड निर्णय घेते मात्र आमच्या स्वाभिमानाला धक्का बसला तर गप्प बसायला होत नाही त्यामुळं सध्या तरी अशी वेळ आली नाही असेही ते म्हणाले.
श्रीरामलू आणि रमेश जारकीहोळी दोघे मित्र आहेत त्यांची ती खाजगी भेट असेल मात्र या भेटीचा मला काहीही संबंध नाही असं देखील त्यांनी स्पष्ट केलं.
सतिशना मुख्यमंत्री करू: रमेश
मी सी एम पदाच्या रेसमध्ये नाही मला त्याची गरजही नाही मात्र सतीश जारकिहोळी यांना नक्की मुख्यमंत्री करू असे पालकमंत्री रमेश जारकीहोळी यांनी म्हटलंय.भावाभावात गैर समज आहेत असं म्हणणं चुकीचं आहे आम्ही सर्वजण एकच आहोत असे रमेश जारकीहोळी यांनी म्हटलं आहे.