ग्रामीण मतदार संघातील रस्ते कित्येक वर्षे दुरावस्थेत आहेत या मतदार संघातील रस्त्यांच्या दुरुस्तीसाठी आता शासनाने पाच कोटींचा निधी मंजूर केलाय.ग्रामीण भागातल्या जलसंपदा खात्याच्या एसईपीटीएसपी योजनेतून पाच कोटी अनुदान जारी करून घेण्यात हेब्बाळकर यांना यश मिळालं आहे.नुकताच झालेल्या विधानसभा निवडणुकीत ग्रामीण मतदार संघातील जनतेला दिलेल्या अश्वासनात पूर्तता करण्याकडे एक पाऊल पुढे टाकलं आहे.
गावात राहणाऱ्या अनुसूचित जाती अनुसूचित जमातीचे लोकवस्तीचे रस्त्यांच्या सुधारणे साठी जलसंपदा खात्याच्या एसईपीटीएसपी योजनेतून अनुदान मिळते.
मंजूर झालेल्या पाच कोटीच्या अनुदानात ग्रामीण मतदार संघातल्या करडीगुद्दी गावाला 10 लाख,खनगाव के एच 5 लाख,करिकट्टी 1 कोटी,भीमगड 40 लाख,सोमनहट्टी 10 लाख, मारिहाळ10 लाख,चंदूर 50 लाख,यदलभावी 10 लाख,चंदनहोसुर 15 लाख असे अडीच कोटी अनुदान जारी झाल्याची माहिती हेब्बाळकर यांनी दिली आहे.
बाकी अडीच कोटी अनुदानात सावंगाव 25 लाख,हिंडलगा 25 लाख,हलगा 50 लाख,बस्तवाड 40 लाख,खनगाव 5 लाख,बाळेकुंद्री 25 लाख,कंग्राळी बी के 25 लाख,कंग्राळी के एच 30 लाख, हिरेबागेवाडी 10 लाख आणि तारिहाळ 20 लाख निधी जारी करण्यात येणार असल्याची माहिती हेब्बाळकर यांनी प्रसिद्धीस दिलेल्या पत्रकात दिली आहे.
ग्रामीण मतदार संघातील रस्त्यांची सुधारणा करिता सार्वजनिक बांधकांम खाते, पंचायत राज्य आणि ग्रामीण विकास खात्यांना विशेष अनुदान देण्याची मागणी मंत्र्यांकडे करण्यात आली असल्याची माहिती देखील हेब्बाळकर यांनी दिली आहे.पावसाळा संपायच्या आत विशेष अनुदानाला मंजुरी मिळेल पाऊस संपल्यावर रस्त्यांच्या कामाला सुरुवात होईल असा विश्वास देखील आमदार हेब्बाळकर यांनी व्यक्त केला.
उद्या होणार कृतज्ञता सोहळा
ग्रामीण मतदार संघात विधान सभा निवडणुकीत राबलेल्या कार्यकर्ते,नेते आणि समर्थकांचा सत्कार करून कृतज्ञता व्यक्त करणार आहे.रविवारी सकाळी 11 वाजता धर्मनाथ भवन येथे या कार्यक्रमाचे आयोजन केले असल्याचे त्यांनी कळवले आहे.
