एकूण 40 लिटर आणि 200 मिली ची भारतीय बनावटीची विदेशी दारू जप्त करून दोघांना अटक करण्यात आली आहे.सी सी आय बी (City Crime Intelligence Bureau) पोलिसांनी शुक्रवारी ही कारवाई करत दोघांना गजाआड केलं आहे.
पोलिसांनी दिलेल्या माहितीनुसार अरुण चंद्रकांत म्हार्दोळकर वय 59 रा.न्यू गुडस शेड रोड बेळगाव आणि विश्वास शंबा तारी वय 57 रा.हलदोनी म्हापसा गोवा अशी सी सी बी आय पोलिसांनी अटक केलेल्या दारु तस्करांची नाव आहेत.
तारी हे गोवा राज्य परिवहन मंडळ कदंब बसचे वाहक आहेत तर अरुण म्हार्दोळकर हे सलून दुकान चालवतात. तारी हे बस वाहक असल्याने दररोज बेळगावला येत असायचे आणि येतेवेळी गोव्यातील दारू आणायचे आणि अरुण कडे सुपूर्द करायचे अशी माहिती मिळाली आहे.
पोलिसांना मुखबिरानी दिलेल्या टीप वरून सी सी बी आय पोलिसांनी शुक्रवारी साफळा रचून शुक्रवारी दारू तस्करी करते वेळी रंगे हात पकडले.