बेळगाव शहरात योग्य वेळेत कचऱ्याची उचल होत नाही ही समस्या दिवसेंदिवस वाढत चालली आहे.
रेल्वेस्थानकासमोरील बस स्थानकावरील कचराकुंड कचऱ्याने पूर्ण भरला तरी तेथील कचरा उचलला जात नाही. यामुळे परिसरात दुर्गंधी पसरली आहे.
या भागात असलेले चहाची गाडीवाले, हॉटेलवाले तसेच कॅन्टीनवाले या भागात कचरा टाकतात. आता या कचऱ्याची वेळेवर उचल होत नसल्याने दुर्गंधी पसरत असून बस व रेल्वे स्थानकावर येणाऱ्या नागरिकांच्या आरोग्यावर परिणाम होत आहे.
