उत्तर मतदार संघाचे काँग्रेस उमेदवार फिरोज सेठ यांच्या रॅलीत देश विरोधी घोषणा दिल्या गेल्याचा व्हीडिओ वायरल झाला आहे.
सोशल मिडीयावर वायरल झालेल्या या व्हीडिओत उत्तर मतदार संघातील काँग्रेसचे उमेदवार फिरोज सेठ यांच्या पदयात्रेत पाकिस्तान जिंदाबाद च्या घोषणा देण्यात आल्या आहेत त्यावेळी घोषणा ऐकून सेठ चिडून गळ्यातील हार काढून नाराजी व्यक्त केली होती.
दरम्यान भाजपच्या वतीनं वकील प्रवीण करोशी यांनी देश विरोधी घोषणा दिलेल्या काँग्रेस रॅली तील उमेदवार फिरोज सेठ याचं पद रद्द करा आणि घोषणाबाजी करणाऱ्या वर कारवाई करा अशी मागणी केली आहे.या प्रकरणी माळ मारुती पोलीस स्थानकात फिरोज सेठ आणि इतरांवर देश विरोधी घोषणा दिल्या प्रकरणी गुन्हा नोंद झाला आहे.
सध्या निवडणुकीच्या वातावरणात सर्वत्र वातावरण तापलं असताना सगळीकडे देश विरोधी घोषणा व्हीडिओ वायरल झाला आहे.सदर व्हीडिओ चार दिवसापूर्वीचा असून न्यू गांधी नगर भागातला असल्याची माहिती मिळत आहे हा व्हीडिओ ओरिजनल आहे एडिट केलेला याचा देखील तपास पोलीस करताहेत. त्या वादग्रस्त फेरी प्रचार फेरी दरम्यान निवडणूक आयोगाच्या कॅमेरामन देखील उपस्थित होता त्यातील देखील चित्रण तपासली जात आहेत.
एकीकडे येळ्ळूर सारख्या ठिकाणी ‘जय महाराष्ट्र’ घोषणा दिलेल्या मराठी भाषिकांना अमानुष लाठीहल्ला करून मारबडव करणारे पोलीस पाकिस्तान जिंदाबाद च्या घोषणा जर दिल्या गेल्या असतील त्या त्या युवकांवर येळ्ळूर प्रमाणेच कारवाई करतील हा प्रश्न जनतेतून उपस्थित केला जात आहे.
