विधान सभा निवडनुकीची आचार संहिता लागू होण्यास केवळ एका महिन्याचा अवधी असताना पालकमंत्री रमेश जारकीहोळी यांनी गोकाक आणि चिकोडी असे दोन जिल्हे निमार्ण करणारच अस वक्तव्य केले असताना चिकोडीचे खासदार जेष्ठ कॉंग्रेस नेते प्रकाश हुक्केरी यांनी देखील याला पाठिंबा दिला आहे.
बेळगावात पासपोर्ट कार्यालय उद्घाटन कार्यक्रमात सहभागी होण्यासाठी आले असता पत्रकारांनी विचारलेल्या प्रश्नाला ते उत्तर देत होते. प्रकाश हुक्केरी यांनी गोकाक आणि चिकोडी असे बेळगाव जिल्ह्याचे विभाजन करू अस वक्तव्य केल आहे गोकाक किंवा चिकोडी एकच केल्यास नाराजी निर्माण होऊ शकते त्यामुळे चिकोडी आणि गोकाक असे दोन जिल्हे निवडणुकी पूर्वी होतील आणि ते करणारच असा पवित्रा देखील त्यांनी यावेळी घेतला. केवळ पासपोर्ट कार्यालयच नव्हे तर विभागीय विजा कार्यालय देखील बेळगावला सुरु करा अशी मागणी त्यांनी करत चिकोडीला देखील नवीन पासपोर्ट कार्यालय सुरु करा अशी मागणी त्यांनी केली. बेळगावातील पासपोर्ट कार्यालयास स्वताची इमारत असावी या साठी पालिकेने जागा उपलब्ध करून ध्यावी अशी मागणी त्यांनी आयुक्त शशिधर कुरेर यांच्याकडे केली आहे.
