खड्डा चुकवताना दुचाकी स्वार युवकास ट्रक ने चिरडल्याने संतप्त जमावाने ट्रक पेटवला होता असे शहरात रस्त्यावर असलेले अनेक खड्डे चुकवण्यासाठी दररोज लहान मोठे अपघात होत असतात..असाच एक खड्डा बेळगाव खानापूर रोड वर आहे तो अनेक छोट्या मोठ्या अपघाताना कारणीभूत बनला आहे.
बेळगाव महा पालिकेच्या पाणी पुरवठा मंडळाने डी मार्ट समोरील वेणूग्राम हॉस्पिटल कडे जाणाऱ्या रस्त्याच्या आणि खानापूर रोड च्या मधोमध हा खड्डा काढला असून तो अत्यंत धोकादायक बनला आहे. या खड्ड्याच्या निमित्ताने पुन्हा एकदा पालिकेचा कारभार चव्हाट्यावर आला आहे.बेळगाव असंच स्मार्ट होणार का हा प्रश्न यानिमित्ताने उपस्थित होत आहे.
