बेळगाव येथील सार्वजनिक वाचनालयाच्या वतीने देण्यात येणारे पत्रकारितेतले पुरस्कार जाहीर करण्यात आले आहेत. उदयवाणी चे प्रतिनिधी केशव आदी तर एस आर जोग महिला पुरस्कार वेणुध्वनी च्या कार्यक्रम प्रमुख सुनीता देसाई यांना मराठी विभागात महिला पुरस्कार कोल्हापूर येथील दैनिक पुढारी च्या प्रतिनिधी नसीम सनदी तर पत्रकार पुरस्कार बेळगाव live चे प्रकाश बेळगोजी यांना जाहीर करण्यात आला आहे.
रोख रक्कम मान चिन्ह आणि प्रशस्ती पत्र असे या पुरस्काराचे स्वरूप आहे. सदानंद सामंत अनिल आजगांवकर आणि सर्जू काटकर यांच्या निवड समितीने वरील पुरस्कार निवडीचा निर्णय घोषित केला आहे. वाचनालयाचे अध्यक्ष नेताजी जाधव,उपाध्यक्ष अनंत लाड ,कार्यवाह अनंत जांगळे,सहकार्यवाह सुनीता मोहिते,सदस्य गोविंद राऊत कृष्णा शहापूरकर आणि अड नागेश सातेरी यावेळी उपस्थित होते.
सदर पुरस्कार गुरुवार १८ जानेवारी सायंकाळी ५:३० वाजता गोगटे रंग मंदिर स्कुल ऑफ कल्चर कॅम्प येथे प्रदान करण्यात येणार आहेत . बॅ नाथ पै व्याख्यान मालेचे उदघाटक पुणे येथील विचारवंत डॉ कुमार सप्तर्षी यांच्या हस्ते प्रदान करण्यात येणार आहेत.
