कर्नाटकाचे खासदार, सुषमा स्वराज आणि जनार्दन रेड्डी यांचे निकटवर्तीय तसेच येडीयुरप्पा यांच्या बरोबरीनेच कर्नाटक विधानसभेचे उमेदवार ठरवण्यात भाजप अध्यक्ष अमित शाह यांचे सल्लागार मानले जाणारे बी एस श्रीरामलू यांची कालच्या परिवर्तन यात्रेतील अनुपस्थिती आणि त्यांच्या कृत्याचे गणित काय? याची भाजप कार्यकर्त्यांत जोरदार चर्चा आहे.
बी एस श्रीरामलू काल बेळगावला आले होते, मात्र बेळगाव दक्षिण मधील इच्छूक डॉ दोडमनी यांच्या घरी झोपून राहिले. त्यांनी परिवर्तन यात्रेला उपस्थित राहणार की नाही हे स्पष्ट केले नव्हते, मात्र त्यांना तशी गळ घालण्यात आली होती. असे असतांना ते बेळगावला आले पण परिवर्तन यात्रेला गेले नाहीत याची चर्चा आहे.
भाजप तर्फे आगामी विधानसभेत तिकीट मिळवण्यावरून वातावरण तापत आहे. सात ते आठ इच्छूकांनी बेळगाव दक्षिण साठी प्रयत्न सुरू केले आहेत. यापैकी बरेचजण रामलू यांच्याकडेही साकडे घालून आहेत, अशा वातावरणात रामलू हे थेट डॉ दोडमनी यांच्या घरी गेले आणि कुठेही बाहेर न पडता तिथेच राहिले यावरून नवीन गणित काय? याचीही चर्चा आहे.
एकूणच भाजप पक्षात अनेक उलट सुलट घटनांची सुरुवात झाली असून यातून पुढे काय येणार याची चलबीचलता इच्छूकांमध्ये आहे.
