बेळगावातील मराठा लाईट इंफंट्री रेजिमेंटल केंद्राला शौर्याची परंपरा आहे ऐतिहासिक वारसा देखील लाभलेला आहे.इन्फ्रंट्री ने जगात अनेक ठिकाणी आपल्या युद्ध कौशल्याच्या जीवावर युद्ध जिंकली आहेत त्यामुळे या सेंटर मध्ये प्रशिक्षण घेतलेल्या जवानांना भविष्य काळात सेवा बजावते वेळी या साहसाचा उपयोग होईल असे उदगार मेजर जनरल असित बी मिस्त्री यांनी काढले आहेत.
बेळगावातील मराठा रेजिमेंटच्या क्वाटर गार्ड आयोजित प्रशिक्षित जवानां शपथ दिल्या नंतर आयोजित कार्यक्रमात बोलत होते. सैनिकाच्या जीवनात शारीरिक क्षमता शिस्तीला खूप महत्व असते असेही ते म्हणाले. मेजर जनरल असित मिस्त्री हे डीजी सुरक्षा कॅबिनेट सेक्टर, नवी दिल्ली फ्रॅंटियर फोर्स आय जी पी आहेत . यावेळी १६८ प्रशिक्षित जवानांचा शपथविधी पार पडला.
या कार्यक्रमा अंतर्गत प्रशिक्षित 168 जवान देशसेवेत रुजू झाले.देशाच्या अनेक भागात त्यांचे पोस्टिंग होणार आहे. तिरंगा ध्वज आणि रेजिमेंटल ध्वजाला साक्ष धरून जवानांनी देश सेवेची शपथ घेतली.
यावेळी शानदार पथ संचलन झाले त्याचे जवान अक्षय पाटील याने नेतृत्व केले होते तर परेड एडज्यूडट कॅप्टन रॉबिन अब्राहम होते. मेजर जनरल असीत बी मिस्त्री गोविंद कलवाड यांनी परेडचे निरीक्षण केल.
जवान अनिल सोमसे नामदेव घुगे,गणेश सुतार ,अक्षय पाटील आणि शिवानंद राणोजी या जवानाना विविध प्रकारात उत्कृष्ट कामगिरी बजावलेल्या जवानांचा सत्कार करण्यात आला, लष्करी अधिकारी आणि जवानांचे पालक उपस्थित होते. जवानांच्या पालकांना गौरव पदक देऊन सन्मानित करण्यात आलं.
