श्री भक्ती महिला को ऑप क्रे सोसायटी म्हणजे महिलांनी महिलांच्यासाठी चालवलेली एकमेव सोसायटी अशीच ओळख समाजात आहे . महिलांना आर्थिकदृष्ट्या स्वावलंबी करण्यासाठी श्री भक्तीचे संचालक मंडळ कटिबद्ध असल्याची ग्वाही सोसायटीच्या एकोणिसाव्या सर्वसाधारण सभेत बोलताना चेअरपर्सन ज्योती अगरवाल यांनी दिली .
श्री माता सोसायटीच्या सभागृहात आयोजित करण्यात आलेल्या सर्वसाधारण सभेत मागील वर्षाच्या सभेचा वृत्तांत वाचण्यात आला . ताळेबंद ,अंदाजपत्रक ,लाभांश वितरण ,पोटनियम दुरुस्ती आदी ठराव एकमताने सभेत मंजूर करण्यात आले . व्यवस्थापक अतुल कुलकर्णी यांनी ताळेबंद सादर केला .
एकूण खेळते भांडवल पस्तीस कोटी असून वार्षिक उलाढाल एकशे पाच कोटीची आहे . सोसायटीला निव्वळ नफा एक कोटी सात लाख रु इतका झाला असल्याची माहिती ज्योती अगरवाल यांनी सर्वसाधारण सभेत दिली . भक्ती देसाई यांनी सूत्रसंचालन करून ठराव मांडले . सोसायटीचे संस्थापक मनोहर देसाई यांच्यासह भागधारक ,संचालक ,निमंत्रित ,कर्मचारी यांची सर्वसाधारण सभेला उपस्थिती होती .
