बेळगाव दि 20- बेळगावातील कोर्ट आवारात राम सेनेच्या कार्यकर्त्याने एका महिला संघटनेच्या नेत्या सामाजिक कार्यकर्त्या मारहाण करत गळ्यातील मंगळ सूत्र तोडलं होत या प्रकरणी मार्केट पोलिसांत फिर्याद दाखल करण्यात आली आहे तरी देखील अद्याप आरोपीला अटक करण्यात आली नाही कारवाई करण्यात आली नसल्याचा विरोध करत विविध महिला संघटनानी जिल्हाधिकारी एन जयराम यांना निवेदन सादर केलं आहे .
चव्हाट गल्ली येथील सामाजिक कार्यकर्त्या महिला नेत्या अक्काताई सुतार यांच्यावर राम सेनेचे नंदू इंदल कर यांनी कोर्ट आवारात मारहाण करत मंगळ सूत्र तोडलं आहे जीवे मारण्याची धमकी दिली असा आरोप महिला संघटनांनी केला आहे. राम सेनेच्या नंदू इंदलकर आणि परशराम देसाई यांनी त्वरित अटक करून कारवाई करावी अशी मागणी केली आहे.
जाहीर रित्या दिवसा ढवळया एकटया महिला सामाजिक कार्यकर्त्यांवर हल्ला करत अपमान करणाऱ्या महा भागावर कारवाई झाली पाहिजे अन्यथा विविध महिला संघटना तीव्र आंदोलनं करतील असा इशारा यावेळी निवेदना द्वारे देण्यात आला. यावेळी कर्तव्य महिला मंडळ चव्हाट गल्ली, स्त्री शक्ती संघ चव्हाट गल्ली, स्वराज्य महिला मंडळ फुलबाग गल्ली, महिला आघाडी, तसेच कर्नाटक मानव हक्क बंगलोर च्या महिला सदस्या उपस्थित होत्या.
