बेळगाव दि ११- कर्नाटक राज्यात कानून आणि सुव्यवस्था नियंत्रण ठेवण्यासाठी राज्य सरकारने उत्तर विभाग आय जी पी रेंज मध्ये ११ नवीन पोलीस स्थानकांना मंजुरी दिली आहे. बेळगाव बागलकोट विजापूर आणि धारवाड जिल्ह्यात या नवीन पोलीस स्थानकांना मंजुरी देण्यात आली आहे अशी माहिती उत्तर विभाग पोलीस महा निरीक्षक रामचंद्र राव यांनी दिली आहे.
बेळगावातील आय जी पी कार्यालयात आयोजित पत्रकार परिषदेत त्यांनी ही माहिती दिली . बेळगाव जिल्ह्यात हारुगेरी ,खडकलाट , चिकोडी ट्राफिक, महिला पोलीस स्थानक तर बागलकोट जिल्ह्यात २ तर विजापूर जिल्ह्यात ३ तर धारवाड आणि गदग जिल्ह्यात प्रत्येकी एक अश्या एकूण नवीन ११ पोलीस स्थानकांना मंजुरी देण्यात आली आहे . उत्तर विभागात गुन्ह्यांची संख्येत घट झाला असून रस्ता अपघातात मरण पावलेल्यांची संख्या वाढली आहे यासाठी रस्ते सुरक्षा सप्ताह कार्यक्रम हाती घ्याअस्य सूचना अधिकाऱ्यांना देण्यात आल्या असून अपघात झालेल्या घटना स्थळांची पाहणी करून कारवाई करण्याची सूचना देखील देण्यात आली आहे अस ते म्हणाले.
