बेळगाव :- ता.21 मूळच्या महाद्वार रोड येथील रहिवासी पण सध्या श्रीराम कॉलनी आदर्श नगर येथे वास्तव्यास असलेल्या कै शकुंतला शिवाजीराव चव्हाण या जायंट्स ग्रुप ऑफ़ बेळगाव मेन चे सदस्य प्रदीप चव्हाण यांच्या मातोश्री होत्या.
सोमवार ता. 20 रोजी रात्री 10-38 वाजता त्याचे देहावसन झाले, लागलीच त्यांच्या चिरंजीवानी व कुटूंबियांनी एकत्रित निर्णय घेतला की आईचे नेत्रदान करण्याचा, आणि ताबडतोब जायंट्स मेन चे माजी अध्यक्ष मदन बामणे, सेक्रेटरी महादेव पाटील यांना संपर्क साधला आणि आपलं मनोगत सांगितले.
यावर मदन बामणे यांनी के एल ई संस्थेच्या नेत्रपेढीशी संपर्क साधला आणि ताबडतोब डॉ महांतेश रामण्णावर यांना कळविले, त्यांनी रात्री 12 वाजता के एल ई चे डॉ संगमेश सालीमठ व डॉ मोनिका बी यांना पाठवून दिले. आणि रात्री 2 -00 वाजेपर्यंत नेत्रदानाची प्रक्रिया पूर्ण केली. ही प्रक्रिया पूर्ण होईपर्यंत मदन बामणे आणि महादेव पाटील त्याठिकाणी उपस्थित होते.
चव्हाण कुटूंबियांनी आपल्या मातोश्रीचे नेत्रदान करून दोन जीवांना ही सृष्टी पाहण्याची संधी मिळवून दिली. यासाठी जायंट्स मेन च्या प्रयत्नांना यश आले,
जायंट्स मेन च्या वतीने यावर्षीची रंगपंचमी माहेश्वरी अंध शाळेच्या विद्यार्थांच्या बरोबर साजरी केली, त्याठिकाणी बोलताना मदन बामणे यांनी आवाहन केले होते की मरणोत्तर आपले नेत्रदान करावे म्हणून, आणि ते आवाहन ऐकून चव्हाण कुटूंबियांनी हा निर्णय घेतला.
तेंव्हा या निमित्ताने जायंट्स मेन च्या वतीने आवाहन करण्यात येते की ज्यांना कुणाला नेत्रदान किंवा देहदान करायचे आहे त्यांनी मदन बामणे 9448191266 ,
महादेव पाटील 9481535528 यांच्याशी संपर्क साधावा.
बातमी लेखन – महादेव पाटीलO
