बेळगाव दि ११ : एक मराठा लाख मराठी क्रांती मोर्चास शहापूर आणि वडगाव भागातील अनेक मुसलमान समाजाच्या संघटनांनी आपला पाठिंबा दर्शविला आहे . नवी गल्ली शहापूर सुन्नी जमात तसेच निजामिया जामिया मस्जिद जमात निजामिया चौक वडगाव या दक्षिण भागातील दोन मुख्य संघटनांनी आपला जाहीर पाठिंबा दर्शवित एस पी एम रोडवर मोर्चात सामील लोकांना शरबत व्यवस्था करणार असल्याच पत्र दिल आहे .
सकाळी नाथ पै चौक येथील साई गणेश सोसायटीच्या समोर झालेल्या खास कार्यक्रमात या दोन्ही संघटनांनी आपला पाठिंबा दर्शविला आहे . महापौर सरिता पाटील आणि मोर्चा संयोजकडे मुस्लीम बांधवांनी आपल्या पाठिंब्याची पत्र सुपूर्द केली . यावेळ नवी गल्ली शहापूर जमात मुतवल्ली बशीर अहमद मुल्ला, सचिव इम्तियाज शरीफ,मेहबूब सनदी आणि अमजद मोमीन यांनी शहापूर भागाचा तर वडगाव निजामिया जमात च्या वतीने फयाझुद्दिन सौदागर,मेहबूब मुल्ला असलंम शेख,रसूल सनदी, मोहम्मद युसुफ शेख,हनीफ ताशिलदार,असलम जमादार,जाखीर सनदी,मोहसीन ताशिलदार तसेच निजामिया यंग कमिटीच्या वतीने आरिफ मुरगोड यांनी आपला पाठिंबा व्यक्त केला. शहापूर भागातील मुस्लीम समाजाचा पाठिंबा मिळविण्यासाठी माजी नगरसेवक नेताजी जाधव यांनी विशेष परिश्रम घेतले. यावेळी उपमहापौर संजय शिंदे,प्रकाश मरगाळे, राजेंद्र मुतगेकर, दत्ता उघाडे महेश जुवेकर आदि उपस्थित होते .
