बेळगाव दि १८:बेळगाव कृषी उत्पन्न बाजार समितीवर मराठीचा झेंडा फडकला असून बेळगुंदी येथील निन्गाप्पा उर्फ आप्पा जाधव यांची अध्यक्ष पदी निवड झाली आहे . शनिवारी कृषी उत्पन्न बाजार समितीच्या कार्यालयात झालेल्या निवडणुकीत जाधव आणि कॉंग्रेस चे प्रतिस्पर्धी उमेदवार युवराज कदम यांना समान मते मिळाल्यावर चिट्टी चा अवलंब करण्यात आला यावेळी अप्पा जाधव यांनी बाजी मारली . जाधव यांची अध्यक्षपदी निवड होताच बेळगाव कारवार निप्पानी सह संयुक्त महाराष्ट्र झालाच पाहिजे अश्या घोषणा देण्यात आल्या.
कॉंग्रेस मधील फुटीचा समितीला फायदा
माजी मंत्री सतीश जारकीहोळी आणि त्यांचे बंधू विध्यमान पालकमंत्री रमेश जारकीहोळी या कॉंग्रेस मधील फुटीचा समितीच्या उम्मेद्वारास फायदा झाला. शनिवारी झालेल्या अध्यक्ष पदाच्या निवडणुकीत अध्यक्ष पदासाठी कॉंग्रेस तर्फे युवराज कदम तर एकीकरण समितीच्या गटाच्या वतीने तानाजी पाटील आणि निन्गाप्पा जाधव यानी अर्ज दाखल केला होता एकूण १७ माता पैकी युवराज कदम आणि निन्गाप्पा जाधव यांना समान ७ मते तर तानाजी पाटील यांना ३ मते पडली.कदम आणि जाधव यांच्यात चिट्टी उडवल्या नंतर जाधव यांना विजयी घोषित करण्यात आले. पालक मंत्री रमेश जारकीहोळी आणि महिला कॉंग्रेस नेत्या लक्ष्मी हेब्बाळकर यांना शह देण्यसाठी माजी पालक मंत्री सतीश जारकीहोळी यांनी एकीकरण समितीशी युती करून जाधव यांना अध्यक्ष पद दिले. उपाध्यक्ष पदाच्या निवडणुकीसाठी सुधीर गड्डे आणि रेणुका पाटील यांनी अर्ज दाखल केला होता गड्डे यांना ५ तर रेणुका पाटील ९ मते मिळाली उपाध्यक्ष पद मिळवल . ए पी एम सी निवडणुकीत पुन्हा एकदा कॉंग्रेस मधील फुट समोर आली असून याच फायदा समितीच्या उम्मेद्वारास झाला आहे.
समितीमधील फुट उघड
एकूण सहा सदस्य एकीकरण समितीचे असले तरी दोन गटात विभागले गेले होते . माजी महापौर शिवाजी सुंठकर यानी माजी पालकमंत्री सतीश जारकीहोळी यांच्याशी युती करत केवळ दोन जागा असल्या तरी अध्यक्ष पद आपल्याकडे राखण्यात यश मिळविले आहे. वास्तविक समितीचे सगळे सदस्य एकत्र राहणे गरजेचे होते मात्र दोन्ही गटातील मतभेदामुळे तानाजी पाटील आणि जाधव या दोघांनी अध्यक्ष पदासाठी अर्ज दाखल केले होते. तानाजी पाटील यांना केवळ ३ मते पडली तर आप्पा जाधव यांना ७ मत मिळाली आपल्या दोन मतासह जारकीहोळी गटाच्या पाच जणांनी त्यांना मतदान केल. कृषी उत्पन्न समिती देखील समितीचा मराठी भाषिक अध्यक्ष पदी निवडला असला तरी पुन्हा एकदा दोन गट दिसून आले आहेत.जारकीहोळी सुंठकर आणि संजय पाटील यांच्या मदतीने झालो अध्यक्ष
निवडून आल्या नंतर सतीश जारकीहोळी आमदार संजय पाटील आणि शिवाजी सुंठकर यांच्यामुळेच मला हे ए पी एम सी अध्यक्ष पद मिळवता आल अशी माहिती निन्गाप्पा जाधव यांनी पत्रकारांना दिली
