बेळगाव लाईव्ह : बेळगाव शहराजवळील भुतरामनहट्टी येथील कित्तूर राणी चन्नम्मा लघु प्राणी संग्रहालय हे कर्नाटकातील सर्वात रोमांचक वन्यजीव आकर्षणांपैकी एक बनत चालले आहे. वर्षानुवर्षे पर्यटकांची संख्या वाढत असताना वन विभागाच्या अधिकाऱ्यांनी आपल्या अनुभवाच्या जोरावर प्राणी संग्रहालय समृद्ध करण्यासाठी त्यांचे प्रयत्न वाढवले असून त्यांनी 2.61 कोटी रुपयांपेक्षा जास्त खर्चाच्या महत्त्वाकांक्षी सुधारणा सुरू केल्या आहेत.
कित्तूर राणी चन्नम्मा प्राणी संग्रहालय संबंधित चार मोठे विकास प्रकल्प आधीच पूर्ण झाले आहेत आणि ते या वर्षी नोव्हेंबर किंवा डिसेंबरपर्यंत जनतेसाठी खुले केले जातील. सरपटणाऱ्या प्राण्यांचे उद्यान एक नवे आकर्षण : प्राणी संग्रहालयातील सर्वात रोमांचक भर म्हणजे सरपटणाऱ्या प्राण्यांचे नवे उद्यान होय. जिथे रॅटलस्नेक, कोब्रा, रॉक पायथॉन, रेटिक्युलेटेड पायथॉन, ग्रीन ॲनाकोंडा, लेक स्नेक आणि मॉनिटर लिझार्डसह 12 विदेशी सापांच्या प्रजाती सादर केल्या जातील.
ज्यामध्ये सरपटणाऱ्या प्राण्यांच्या रहस्यमय जगाची जवळून झलक दाखवण्याचे आश्वासन देणाऱ्या प्रत्येक प्रजातीची एक नर आणि मादी जोडी असेल. यातील प्रमुख आकर्षण म्हणजे प्रचंड किंग कोब्रा आणि महाकाय अजगर हे असणार असून जे पर्यटकांना नक्कीच मंत्रमुग्ध करतील. सरपटणारे प्राणी हे केवळ नवीन येणारे प्राणी नसून या थंड रक्ताच्या प्राणी जगतातील इतर सदस्यही लवकरच उद्यानात दाखल होणार आहेत.
राणी चन्नम्मा लघु प्राणीसंग्रहालय आयकॉन टॉवर : प्राणी संग्रहालयाचा नवा लँडमार्क
राष्ट्रीय महामार्गाजवळ राणी चन्नम्मा प्राणी संग्रहालयाचे प्रवेशद्वार असूनही ते अस्पष्ट आहे. दीर्घकाळापासून असलेल्या दृश्यमानतेच्या या समस्येचे निराकरण करण्यासाठी वन विभागाने 65 फूट उंच एक विशाल प्रतिकात्मक चिन्ह बांधले आहे. राणी चन्नम्मा यांचा पुतळा आणि प्रकाशित प्राणी संग्रहालयाच्या लोगोने सजवलेला हा टॉवर जवळजवळ 1 कि.मी. अंतरावरून लक्ष वेधून घेईल असा डिझाइन केलेला आहे. ज्यामुळे प्राणी संग्रहालय राष्ट्रीय महामार्गावरून प्रवास करणाऱ्या प्रवाशांच्या सहज लक्षात येणार आहे.
प्राणी संग्रहालय मध्यम आकाराचे करण्यासाठी सुधारणा : प्राणी संग्रहालय व्यवस्थापनाने केंद्रीय प्राणीसंग्रहालय प्राधिकरणाला कित्तूर राणी चन्नम्मा प्राणीसंग्रहालयाला लघु आकारातून मध्यम आकाराच्या प्राणी संग्रहालयात स्थान देण्यासाठी औपचारिक सुधारणा प्रस्ताव सादर केला आहे.
मुलांसाठी रंगीत पंखांचे चमत्कार : राणी चन्नम्मा प्राणी संग्रहालयाने लव्ह बर्ड्स, कॉकॅटियल्स, सन कोन्युर, झेब्रा फिंच आणि गुलाब-रिंग्ड पॅराकीट यासारख्या जीवंत पक्षी प्रजातींनी भरलेले पक्षी क्षेत्र देखील निर्माण केले आहे. मुलांना विशेषतः आवडणारे हे मोहक आणि चमकदार रंगांचे पक्षी तरुण अभ्यागतांना आकर्षित करतील यावर पुढील दोन महिन्यांत विशेष लक्ष केंद्रित केले येणार आहे.
नवीन मगर उद्यान : प्रागैतिहासिक विस्मयाची झलक देण्यासाठी प्राणी संग्रहालयात 1,200 चौ. मी. क्षेत्रफळाचे एक नवीन मगरींचे आच्छादीत उद्यानही बांधले जात आहे. सध्याच्या खड्ड्यात आधीच एक भटकी मगर असून आणखी दोन घारियाल प्रजातीच्या मगरी आणल्या जाणार आहेत. यामुळे प्राणी संग्रहालयाच्या श्रेणीत भर पडणार आहे.
स्थानिक मेंढ्यांच्या जातींमध्ये एक फेरफटका : प्रगतीपथावर असलेली आणखी एक अनोखी संकल्पना म्हणजे भारतातील विविध जातींच्या मेंढ्यांना सामावून घेण्यासाठी विकसित केलेला विशेष परिसर होय. या परिसराचे उद्दिष्ट स्थानिक पशुधन विविधतेची ओळख करून देणे, संवर्धन आणि शिक्षण यांचे मिश्रण करणे हा आहे.
एक संग्रहालय, सभागृह आणि मोठ्या योजना : उपरोक्त गोष्टींबरोबरच एक संग्रहालय आणि सभागृह बांधण्याचे काम देखील सुरू आहे. कर्नाटक प्राणी संग्रहालय प्राधिकरणाने जवळजवळ 50 टक्के विकास निधी दिला आहे, तर सार्वजनिक बांधकाम विभागाने संबंधित शैक्षणिक सुविधांमध्ये योगदान दिले आहे. यामुळे प्राणी प्रदर्शनापलीकडे सदर प्राणी संग्रहालयाची भूमिका वाढली आहे.
स्रोत: निविदा कागदपत्रे/प्रजावाणी.