वाळूवाहू करणाऱ्या ट्रकच्या धडकेत विद्यार्थिनी ठार झाल्याची घटना सोमवारी सकाळी जुन्या भाजी मार्केट जवळ ओल्ड पीबी रोड येथे आहे.
सादिया पालेगार वय 16 रा. बेळगाव असे या घटनेत ठार झालेल्या विद्यार्थिनीचे नाव आहे. सोमवारी सकाळी सकाळी ही दुर्दैवी घटना बेळगाव शहरात घडली आहे.
घटनास्थळावरून मिळालेल्या माहितीनुसार सोमवारी सकाळी साडे सातच्या वाजताच्या दरम्यान हा अपघात घडला आहे आपल्या नातलगाच्या दुचाकीवरून भरतेश कडे जात असते वेळी सेठ पेट्रोल पंप जवळ वाळूवाहू ट्रकने तिला चिरडलं त्यात तिचा अंत: झाला आहे.या घटनेत तिची नातलग किरकोळ जखमी झाली आहे.
घटनास्थळी रहदारी उत्तर पोलिसांनी भेट देऊन पंचनामा केला आहे. अपघातात मयत झालेली सादिया पालेगार ही भरतेश पी यु कॉलेजमध्ये सायन्स मध्ये पहिल्या वर्षांत शिकत असल्याची माहिती उपलब्ध झाली आहे. सोमवारी सकाळी आपल्या नातलगांच्या दुचाकीवरून कॉलेजला जात असते वेळी हा अपघात घडला त्यात तिचा मृत्यू झाला आहे.
सोमवारी सकाळी सकाळी झालेला हा अपघात पाहण्यासाठी बघ्यांनी मोठ्या प्रमाणात गर्दी केली होती. या अपघातानंतर अवजड वाहनांना बेळगाव शहरांमध्ये प्रवेश बंद करावा अशी मागणी वाढू लागली आहे.
