खडे बाजार पोलीस स्थानक परिसरात वाहनांच्या काचा फोडणारे गजाआड झाल्या नंतर समाज कंटकांनी मार्केट पोलीस स्थानक हद्दीत वाहने जाळली आहेत. गुरुवारी पहाटेच्या चारच्या सुमारास कसाई गल्लीत एक ऑटो रिक्षा एक दुचाकी अशी दोन वाहन जाळली आहेत.रात्रीच्या वेळी अज्ञातांकडून रस्त्यावर लावलेल्या वाहनांच्या काचा फोडणे वाहने जाळणे असे प्रकार वाढले आहेत.
सूत्रांनी दिलेल्या माहितीनुसार शकील नावाच्या कसाई गल्लीतील युवकाची ऑटो रिक्षा मोहसीन बेपारी यांची दुचाकी जाळली आहे.गुरुवारी सकाळी मार्केट विभागाचे ए सी पी एन व्ही भरमनी मार्केट पोलीस निरीक्षकानी या जळीत गाड्यांची पहाणी केली.
मार्केट पोलीस स्थानक परिसरात गांजा पिऊन नशा करणाऱ्या युवकांच्या संख्येत वाढ झाली आहे जळीत घटना देखील नशा करणाऱ्यांचे कृत्य असावे असा संशय व्यक्त केला जात आहे.एकीकडे शहरात अजूनही ड्रग्स पिणाऱ्यांच्या नियंत्रण करण्यात पोलिसांना अपयश आले आहे त्यामुळेच गुन्हे वाढत आहेत.
