बेळगाव लाईव्ह : KUIDC कडून बेळगाव स्मार्ट सिटी प्रकल्पाला CITIIS 2.0 कृती आराखडा वेळेत सादर न केल्याबद्दल नोटीस बजावण्यात आली आहे.
महापालिकेने सुमारे दहा दिवसांपूर्वीच या आराखड्याला मंजुरी दिली असतानाही तो अद्याप सादर करण्यात आलेला नाही. त्यामुळे 31 मार्च 2026 पूर्वी केंद्र शासनाची मंजुरी मिळण्यास विलंब होण्याची शक्यता निर्माण झाली आहे.
या प्रकल्पांतर्गत पायाभूत सुविधा, शाश्वत विकास आणि नागरी सेवा यांसंबंधी सविस्तर रोडमॅप तयार करणे आवश्यक आहे. हा आराखडा विविध संबंधित यंत्रणांच्या समन्वयातून तयार केला जातो.
यापूर्वी डिसेंबर महिन्यातही याबाबत इशारा देण्यात आला होता. नोटीसनंतर प्रादेशिक आयुक्तांच्या अध्यक्षतेखाली स्मार्ट सिटी आणि महापालिका अधिकाऱ्यांची तातडीची आढावा बैठक घेण्यात आली.
