बेळगाव लाईव्ह :घरफोडी करणाऱ्या पारडी टोळीचे सदस्य शहरात सक्रिय असल्याच्या वृत्तानंतर, बेळगाव शहराचे पोलिस आयुक्त भूषण बोरसे यांनी शहरवासीयांना घराबाहेर पडताना पोलिस विभागाच्या ‘लॉक्ड हाऊस बीट सिस्टीम’चा वापर करण्याचे आवाहन केले आहे.
शहराचे पोलिस आयुक्त बोरसे म्हणाले की, कलबुर्गी येथून आलेली ही टोळी सहसा रात्रीच्या वेळी बंद घरांना लक्ष्य करते. आमच्या सूत्रांनुसार, पारडी टोळीचे सदस्य बेळगावमध्ये सक्रिय आहेत. विशेषतः रात्रीच्या वेळी ते प्रामुख्याने बंद घरांवर लक्ष केंद्रित करून त्या घरात चोरी करतात.
आमच्या सूत्रांनुसार, चोरी केल्यानंतर ते अनेकदा आपली खूण म्हणून चोरीच्या ठिकाणी एक वाटी ठेवतात, कदाचित अंधश्रद्धेमुळे ते असे करत असावेत असे पोलीस आयुक्त म्हणाले. तथापी अशा गुन्ह्यांना आळा घालण्यासाठी बेळगाव शहर पोलिसांनी सुमारे दीड महिन्यांपूर्वी चोरी आणि घरफोड्या रोखण्यासाठी संरक्षणात्मक उपाय म्हणून लॉक्ड हाऊस बीट सिस्टीम सुरू केली आहे.
या उपक्रमाचा उद्देश शहराबाहेर प्रवास करताना कुलूप बंद घरांवर देखरेख वाढवणे हा आहे. या प्रणालीअंतर्गत, अल्प किंवा दीर्घ कालावधीसाठी शहराबाहेर जाणारे नागरिक आयआर पत्ता, स्थानिक पिन क्रमांक आणि त्यांच्या प्रवासाचा कालावधी यासारख्या तपशीलांसह त्यांच्या अनुपस्थितीबद्दल पोलिस नियंत्रण कक्षाला माहिती देऊ शकतात. ही माहिती व्हाट्स ॲपद्वारे समर्पित नियंत्रण कक्षाच्या क्रमांक 8277951146 वर पाठवता येते.
आयुक्तांनी सांगितले की, या उपक्रमाला जनतेकडून सकारात्मक प्रतिसाद मिळाला आहे, आतापर्यंत आम्हाला 150 हून अधिक घरमालकांकडून विनंती करण्यात आली आहे की ते घराबाहेर आहे आणि त्यांच्या घरांसाठी सुरक्षिततेची आवश्यकता आहे.
यापैकी 28 घरे सध्या देखरेखीखाली असून त्यांचे मालक अद्याप परत आलेले नाहीत. या उपक्रमामुळे आतापर्यंत यापैकी कोणत्याही घरात चोरीची नोंद झालेली नाही, असे बोरसे म्हणाले. त्यांनी पुढे सांगितले की, निवासी भागात पोलिसांची दृश्यमानता आणि दक्षता वाढवून गुन्हे घडण्यापूर्वीच रोखण्यासाठी हा उपक्रम तयार करण्यात आला आहे.
हा उपक्रम सुरक्षात्मक पोलीसगिरी (प्रोअॅक्टिव्ह पोलिसिंगवर) लक्ष केंद्रित करतो. बीट कर्मचाऱ्यांना फक्त रात्रीच्या ड्युटीसाठी घरांची तपासणी करण्यासाठी माहिती दिली जाईल. तसेच देखरेख सुनिश्चित केली जाईल आणि दिलेल्या माहितीचा गैरवापर रोखला जाईल, असेही पोलीस आयुक्तांनी स्पष्ट केले.
