बेळगाव लाईव्ह :मराठा लाईट इन्फंट्री रेजिमेंटल सेंटर बेळगाव येथे नियमित सैन्य /टीए पर्सनल माजी सैनिकांसाठी भारतीय सैन्याच्या संरक्षण सुरक्षा दलातील (डीएससी) सोल्जर जनरल ड्यूटी आणि सोल्जर क्लर्क (एसडी) पदांकरिता येत्या दि. 16 व 17 मार्च 2026 रोजी डीएससी एनसीओ भरती मेळावा आयोजित करण्यात आला आहे.
सदर भरती मेळाव्याचे पात्रता निकष पुढील प्रमाणे आहेत. उमेदवारांनी फक्त मराठा लाईट इन्फंट्री रेजिमेंटलमध्ये सेवा बजावलेली असावी. मागील सेवेतून निवृत्तीच्या वेळी मूल्यांकन केलेले चारित्र्य ‘अनुकरणीय’ किंवा ‘खूप चांगले’ असावे. डीएससीमध्ये नोंदणीसाठी पात्र असलेल्या ईएसएममध्ये पुढील गोष्टी असू नयेत.
: मागील संपूर्ण सेवेदरम्यान दोनपेक्षा जास्त लाल शाईचे शेरे, लष्करी कायदा कलम 34, 35, 36, 37 आणि 41(2) अंतर्गत शिक्षा (फक्त सक्रिय सेवा), अतिरिक्त गार्ड आणि कर्तव्ये, लष्करी कायद्याच्या कलम 48 अंतर्गत, गेल्या 5 वर्षांच्या सेवेत लाल किंवा काळ्या शाईने शिक्षा. मागील 3 वर्षांच्या सेवेत कोणताही लाल शाई शेरा नाही.
उमेदवाराने पूर्वी किमान 5 वर्षे तिरंग्याची सेवा केलेली असावी. नावनोंदणीची तारीख सोल्जर जनरल ड्यूटीसाठी मागील सेवेतून निवृत्त झालेल्या 2 वर्षांच्या आत आणि सोल्जर क्लर्क एसडीसाठी 5 वर्षांच्या आत असावी. तसेच वैद्यकीय श्रेणी शेप -1 असावी. निवृत्तीचे (डिस्चार्ज) कारण : व्यक्तीने नियुक्तीच्या व नोंदणीच्या अटी पूर्ण केलेल्या असाव्यात किंवा त्याच्या स्वतःच्या विनंतीनुसार निवृत्ती देण्यात आलेली असावी. शिक्षण : दहावी (मॅट्रिक) आणि त्याहून अधिक किंवा नॉन-मेट्रिकसाठी एसीए 3 असावे. वय : सोल्जर जीडीसाठी वय 46 वर्षांपेक्षा कमी आणि सोल्जर क्लर्कसाठी वय 48 वर्षांचे असावे.
नावनोंदणीसाठी पुढील कागदपत्रे आवश्यक असणार आहेत. : मूळ डिस्चार्ज बुक, सर्व शिक्षण प्रमाणपत्रं, राज्य अधिकृत स्वाक्षरीकर्त्याच्या स्वाक्षरीने दिलेले जात प्रमाणपत्र, राज्य अधिकृत स्वाक्षरीकर्त्याने स्वाक्षरी केलेले रहिवासी प्रमाणपत्र. गावाच्या सरपंच किंवा पोलीस पाटील यांनी योग्यरित्या स्वाक्षरी केलेले अधिकृत शिक्का असलेले व्यक्तीची जन्मतारीख योग्यरित्या नमूद केलेले चारित्र्य प्रमाणपत्र. हे प्रमाणपत्र जारी केल्याच्या तारखेपासून 6 महिन्यांसाठी वैध असेल. गावाच्या सरपंच किंवा अधिकृत स्वाक्षरीकर्त्याने त्यांच्या शिक्यासह योग्यरित्या मान्यता दिलेले कुटुंबातील प्रत्येक सदस्याचे नाव, नातेसंबंध आणि जन्मतारीख असलेले चारित्र्य प्रमाणपत्र.
सर्व सदस्यांचे कौटुंबिक छायाचित्र चारित्र्य प्रमाणपत्राच्या मागील बाजूस चिकटवलेले असावे. आर्मी ग्रुप इन्शुरन्स सर्टिफिकेट. सर्व मूळ प्रमाणपत्रांसह त्यांच्या झेरॉक्स प्रतींचे दोन संच. नवीनतम पासपोर्ट आकाराच्या रंगीत छायाचित्रांच्या 15 कॉपी. पोलिस अधीक्षकांनी चालू तारखेला स्वाक्षरी केलेले पडताळणी प्रमाणपत्र. पीपीओ. मूर्त/अमूर्त सेवा प्रमाणपत्र (फक्त टीए व्यक्ती).
एटीसी प्रमाणपत्र (फक्त टीए व्यक्ती). ईएसएमला एकत्रित शारीरिक चांचणीसाठी (सीपीटी) उमेदवारांनी स्वतःचे कॉम्बॅट ड्रेस आणि बूट आणावयाचे आहेत. डीएससी सोल्जर (जनरल ड्युटी / क्लर्क) भरतीच्या नोंदणीसाठी पात्र असलेल्या उमेदवारांनी डीएससी भरती रॅलीमध्ये सहभागी होण्यासाठी येत्या दि. 16 मार्च 2026 रोजी सकाळी 8 वाजता मराठा लाईट इन्फंट्री रेजिमेंटल सेंटर बेळगाव येथे हजर राहावे, असे आवाहन मराठा सेंटरच्या ॲडजुटंटनी केले आहे.