दोन चोरीच्या प्रकरणांचा छडा, चार आरोपींसह महिला अटकेत

बेळगाव लाईव्ह: मल्लिकार्जुन नगर आणि मध्यवर्ती बसस्थानक परिसरातील दोन वेगवेगळ्या चोरी प्रकरणांचा तपास करताना मार्केट पोलीस ठाण्याच्या पथकाने मोठे यश मिळवले असून, एक महिला सहित चार आरोपींना अटक करण्यात आली आहे.

प्रकरण 1 : मल्लिकार्जुन नगर घरफोडी

फिर्यादी हरीश लच्छू शेट्टी (रा. मल्लिकार्जुन नगर) हे 20 नोव्हेंबर 2025 रोजी घर बंद करून उडुपीला गेले असताना अज्ञात चोरट्यांनी त्यांच्या घराचे लॉक तोडून सुमारे ₹4,83,000 किमतीचे सोन्याचे दागिने आणि रोकड असा मुद्देमाल लंपास केला होता.

प्रकरण 2 : मध्यवर्ती बसस्थानक चोरी

दुसऱ्या फिर्यादी मारुती बसवंतप्पा यलिगार (रा. आंजनेय नगर) यांनी नोंदवलेल्या तक्रारीत, 28 एप्रिल 2024 रोजी मध्यवर्ती बसस्थानकात बसमध्ये चढताना त्यांच्या पत्नीच्या व्हॅनिटी बॅगमधील ₹1,60,000 किमतीचे सोन्याचे दागिने चोरीस गेल्याचे नमूद केले होते.

तपासासाठी विशेष पथकाची स्थापना

वरिष्ठ अधिकाऱ्यांच्या मार्गदर्शनाखाली मार्केट पोलीस ठाण्याचे पीआय महंतेश के. धामण्णा यांच्या नेतृत्वाखाली विशेष पथक तयार करण्यात आले. तपासातील तांत्रिक माहिती, गुन्हेगारी रेकॉर्डचा बारकाईने अभ्यास आणि गुप्त माहितीच्या आधारे पुढील आरोपींना अटक करण्यात आली:

• इस्माईल काशिम सय्यद (रा. गोकुळ गल्ली, जून गांधी नगर, बेळगाव)
• हसनवली सय्यद (रा. सत्यसायी कॉलनी, वैभव नगर, बेळगाव)
• वेंकटेश प्रकाश कट्टीमणी (रा. गोकुळ गल्ली, जून गांधी नगर, बेळगाव)
• एक महिला – नाव गोपनीय

जप्ती

पोलिसांनी दोन्ही प्रकरणांतील खालील मुद्देमाल जप्त करण्यात यश मिळवले आहे:

• मल्लिकार्जुन नगर घरफोडी: 44.5 ग्रॅम सोने — किंमत ₹4,89,500
• बसस्थानक चोरी प्रकरण: 24 ग्रॅम सोने — किंमत ₹2,64,000

एकूण जप्ती : 68.5 ग्रॅम सोने, किंमत ₹7,53,500

पथकाचे कौतुक

या कारवाईत पीआय महंतेश धामण्णा, पीएसआय एच.एल. केरूर, तसेच गुन्हे विभागातील कर्मचारी —
एल.एस. कडोलदार, नवीनकुमार ए.बी., एस.बी. मडिवाळ, विश्वनाथ माळगी, आशिर अहमद जमादार, शंकर कुगळी, सुरेश कांबळे, कार्तिक जी.एम., एम.बी. ओडेयार, मल्लिकार्जुन गुदगोप्पा, यमनप्पा कांबळे — यांचे विशेष योगदान राहिले.

तसेच महिला कर्मचारी सुजाता नंदिहळ्ळी आणि प्रतिभा गिनवार, तसेच तांत्रिक विभागातील रमेश अक्की व महादेव काशीद यांच्या कार्याचीही विशेष प्रशंसा करण्यात आली आहे.

मार्केट पोलिसांच्या या कारवाईमुळे शहरातील वाढत्या चोरीच्या घटनांवर अंकुश बसण्यास मदत होणार असल्याचे वरिष्ठ अधिकाऱ्यांनी सांगितले.