बेळगाव लाईव्ह : येत्या १ नोव्हेंबर रोजी होणाऱ्या कर्नाटक राज्योत्सव आणि मराठी भाषिकांकडून पाळल्या जाणाऱ्या काळा दिवसाच्या पार्श्वभूमीवर बेळगाव शहरात कायदा आणि सुव्यवस्था राखण्यासाठी पोलीस विभागाने भव्य सुरक्षा यंत्रणा उभारली आहे. पोलीस आयुक्तांनी आज पत्रकार परिषद घेऊन या संदर्भातील सुरक्षा व्यवस्था आणि नियमावली जाहीर केली.
👮♂️ सुरक्षा बंदोबस्ताची माहिती :
अधिकारी : १८० अधिकारी,पोलीस कर्मचारी : २,३०० जवान
होमगार्ड : ४०० सदस्य
केएसआरपी पथक : १० पलटण
आर्म्ड रिझर्व्ह पथक : ८ पलटण
ड्रोन निगराणी : १० ड्रोनद्वारे शहरावर लक्ष ठेवले जाणार
🚗 पार्किंग आणि वाहतूक व्यवस्था :
राज्योत्सव कार्यक्रमासाठी मोठ्या प्रमाणात नागरिकांचा ओघ अपेक्षित असल्याने चार सार्वजनिक पार्किंग क्षेत्रे निश्चित करण्यात आली आहेत —
1️⃣ सरदार मैदान
2️⃣ सीपीईड ग्राउंड
3️⃣ महिला पोलीस ठाण्याच्या मागील मोकळी जागा
4️⃣ कोर्ट कॉम्प्लेक्स परिसरातील पार्किंग
१ नोव्हेंबर रोजी राणी चन्नम्मा चौकात मोठ्या वाहनांच्या प्रवेशास बंदी राहील. नागरिकांसाठी चौकाभोवती चार रस्त्यांवर बैठक व्यवस्था महानगरपालिकेतर्फे करण्यात आली आहे.
🔊 ध्वनी आणि उपकरणांवरील कडक नियम :
रात्री १० नंतर जोरात संगीत वाजवणे पूर्णपणे बंदीस्त (सुप्रीम कोर्टाच्या आदेशानुसार).
प्लाझ्मा म्युझिक सिस्टीम आणि लेझर लाइट्स वापरण्यास सक्त मनाई.
लहान मुले, महिला आणि ज्येष्ठ नागरिकांची उपस्थिती लक्षात घेऊन शांत आणि सभ्य वातावरण राखण्याचे आयोजकांना निर्देश.
‘रूपक वाहनां’ना (टेबलू) राणी चन्नम्मा चौकात केवळ १० मिनिटे थांबण्याची परवानगी, त्यानंतर त्वरित काकतीवेस रोडकडे मार्गक्रमण करावे लागेल. नागरिकांनी वाहनांच्या अति जवळ न जाण्याचे आवाहनही पोलीसांनी केले आहे.
🚔 विशेष पथके :
कार्यक्रमादरम्यान Anti-Stabbing Squad तैनात राहणार असून, सर्व अधिकारी Alco-Breath Analyzer आणि Narcotic Checking Kit सह सज्ज राहतील.
पोलीस आयुक्तांनी इशारा दिला आहे की, दारू अथवा गांजाचे सेवन करून गोंधळ घालणाऱ्यांवर कठोर कारवाई करण्यात येईल. कोणत्याही प्रकारचा कायदा मोडल्यास कठोर कायदेशीर कारवाई होणार आहे.
