बेळगाव लाईव्ह :खानापूर तालुक्यातील गवाळी येथे शेताकडे पाय रस्त्यावरून चालत जात असताना झुडपात लपलेल्या गवी रेड्याने हल्ला करत शेतकऱ्याला गंभीर जखमी केल्याची घटना घडली आहे.
शुक्रवारी सकाळी 11 च्या सुमारास सदर घटना घडली आहे जखमी झालेल्या शेतकऱ्याचे नाव प्रकाश कृष्णा गुरव (वय 55) असे आहे.
या हल्ल्यात सदर शेतकऱ्याच्या उजव्या हाताला खांद्याजवळ मोठी दुखापत झाली आहे. सुदैवाने शेतकरी गवि रेड्याचा हल्ला होताच बाजूला जाऊन पडल्याने बालाबाल बचावला आहे.
याबाबत मिळालेली माहिती की, शुक्रवारी सकाळी दहाच्या सुमारास गावापासून काही अंतरावर असलेल्या आपल्या शेतीवाडी कडे चालत जात असताना अचानकपणे झुडपात असलेल्या एका गवी रेड्याने हल्ला केला.
या हल्ल्यामध्ये गवि रेड्याचे शिंग घुसल्याने शेतकऱ्याच्या उजव्या हाताच्या खांद्याजवळ मोठी जखम झाली आहे. गवि रेड्याने हल्ला करताच त्यांच्यासोबत असलेल्या त्यांच्या पत्नीने धावा धाव करत घराकडे येऊन गावातील लोकांना घेऊन जखमी प्रकाश गुरव यांना गावात आणण्यात आले.
त्यानंतर गावातून डोलीच्या आधारावर आठते दहा किलोमीटर चालत ने रसा येथे आणून तिथून टेम्पोच्या आधारावर त्यांना खानापूरतील शासकीय रुग्णालयात दाखल करण्यात आले. गवि रेड्यांनी हल्ला केल्याची बाब उशिरा वन खात्याला कळली. तेथील वाचमन बाळकृष्ण गावडा हे तेथे गेले. त्यानंतर फॉरेस्टर रवी गजपनावावर त्यांनी तेथे जाऊन जखमीला दवाखान्याला आणले.
दवाखान्यात भीमगड वनसंरक्षण अधिकारी सय्यद नदाफ यांनी भेट देऊन जखमीची विचारपूस केली.
घटनास्थळी खानापूर पोलिसानी ही जाऊन पंचनामा केला अधिक उपचारासाठी सदर जखमीला बेळगाव येथील बीम्स मध्ये पाठवण्यात आले.