बेळगाव लाईव्ह : बेळगावातील टिळकवाडी येथील मंगळवार पेठेत मालमत्तेच्या वादातून झालेल्या खुनाच्या गुन्ह्यात फरार असलेल्या आरोपींना टिळकवाडी पोलिसांनी अटक केली आहे.
या घटनेतील मुख्य आरोपी गणेश लक्ष्मण दावले उर्फ गवळी याला पोलिसांनी आधीच अटक केली होती, मात्र त्याचे दोन मुलगे आणि पत्नी फरार होते. अखेर, टिळकवाडी पोलिसांनी मोठ्या शिताफीने त्यांचा शोध घेऊन त्यांनाही अटक केली आहे.
१०/०९/२०२५ रोजी टिळकवाडी येथील मंगळवार पेठ येथे मालमत्तेच्या वादातून एका महिलेचा धारदार शस्त्राने खून करण्यात आला होता. याप्रकरणी टिळकवाडी पोलिस ठाण्यात गुन्हा दाखल करण्यात आला होता. घटनेनंतर मुख्य आरोपी गणेश लक्ष्मण दावले उर्फ गवळी (६०) याला पोलिसांनी त्याच दिवशी अटक करून न्यायालयात हजर केले होते. मात्र, या गुन्ह्यातील इतर आरोपी असलेले गणेशचे दोन मुलगे आणि पत्नी फरार झाले होते.
फरार झालेल्या आरोपींचा शोध घेण्यासाठी टिळकवाडी पोलिसांनी तातडीने कारवाई सुरू केली. अखेर, आज टिळकवाडीचे पोलिस निरीक्षक आणि त्यांच्या सहकाऱ्यांनी फरार आरोपींना शोधण्यात यश मिळवले. अटक करण्यात आलेल्या आरोपींमध्ये आ. क्र. २. यश गणेश दावले उर्फ गवळी (२५) रा. गवळी गल्ली, मंगळवार पेठ, टिळकवाडी
आ. क्र. ३. आदित्या गणेश दावले उर्फ गवळी (२०) रा. गवळी गल्ली, मंगळवार पेठ, टिळकवाडी, आ. क्र. ४. एक महिला (गणेशची पत्नी) रा. गवळी गल्ली, मंगळवार पेठ, टिळकवाडी यांचा समावेश आहे. या सर्व आरोपींना अटक करून न्यायालयात हजर करण्यात आले असून, त्यांच्यावर कायदेशीर कारवाई सुरू आहे आणि पुढील तपासही सुरू आहे.
वरील आरोपींना शोधून काढून त्यांना न्यायालयात हजर केल्याबद्दल पोलिस आयुक्त, बेळगाव शहर आणि डीसीपी यांनी टिळकवाडी पोलिस निरीक्षक आणि त्यांच्या पथकाचे कौतुक केले आहे.
