बेळगाव लाईव्ह : बेळगाव येथील बिम्स वसतिगृहात शिकणाऱ्या एका वैद्यकीय विद्यार्थिनीने औषध सेवन करून आत्महत्या केल्याची घटना घडली आहे. आत्महत्या केलेली विद्यार्थिनी बंगळुरू येथील रहिवासी असून प्रिया कार्तिक (२७) असे तिचे आहे.
या संदर्भात मिळालेल्या अधिक माहितीनुसार सोमवारी संध्याकाळपर्यंत जिल्हा रुग्णालयात रुग्ण तपासणीचा अभ्यास करणाऱ्या प्रियाने रात्री आत्महत्या केली. काही दिवसांपूर्वीही तिने आत्महत्येचा प्रयत्न केला होता अशी माहिती समोर आली आहे.
घटनास्थळी भेट दिलेले बिम्सचे संचालक अशोक शेट्टी यांनी सांगितले की, बंगळुरू येथील वैद्यकीय विद्यार्थिनी प्रिया कार्तिक मानसिक आजाराने ग्रस्त होती. त्यामुळे ती नैराश्यात होती आणि त्यातूनच तिने हा प्रकार केला असावा असा देखील संशय व्यक्त होत आहे
विद्यार्थिनीने औषध सेवन करून आत्महत्या केली की नाही हे शवविच्छेदनानंतर कळेल. एपीएमसी पोलिस स्थानकात गुन्हा दाखल करण्यात आला असून अधिक तपास सुरू आहे.
