बेळगाव लाईव्ह :भरधाव ट्रकने धडक दिल्यामुळे एक स्कुटी दुचाकी चालक गंभीर जखमी झाल्याची घटना पुना -बेंगलोर राष्ट्रीय महामार्गावर बसवनकुडची, भारत पेट्रोल पंप जवळ काल शुक्रवारी घडली.
अपघातात गंभीर जखमी झालेल्या दुचाकीस्वाराचे नांव सिद्राय गोपाळ लोहार (वय 72 वर्षे) असे आहे. सिद्राय लोहार हे काल शुक्रवारी सकाळी 10:30 वाजण्याच्या सुमारास आपल्या स्कुटी (क्र. केए 22 एडी 3043) दुचाकी वरून सांबरा गावाच्या दिशेने जाण्यास निघाले होते. बसवनकुडची, पेट्रोल पंप जवळ ते रस्ता ओलांडत असताना सांबऱ्याकडून बेळगावच्या दिशेने जाणाऱ्या भरधाव ट्रकने (क्र. टीएन 90 एच 5493) त्यांना धडक दिली.
या अपघातात सिद्राय यांच्या डोक्याला हातापायाला मार बसून ते गंभीर जखमी झाले आहेत. याप्रकरणी सिद्राय यांच्या मुलाने दिलेल्या तक्रारीवरून पोलिसांनी ट्रकचालक जयपाल के (रा. नक्केवलवू, तामिळनाडू) याच्या विरुद्ध गुन्हा दाखल केला असून अधिक तपास सुरू आहे.
