बेळगाव लाईव्ह: माती भरून घेऊन जाणाऱ्या ट्रॅक्टरच्या पाठीमागच्या चाकात सापडून 8 वर्षीय बालक ठार झाल्याची घटना बेळगाव शहरातील वडगाव बाळकृष्ण नगर दुसरा क्रॉस येथे घडली आहे. सोमवारी सायंकाळी सात वाजण्याच्या सुमारास ही घटना घडली आहे.
आरुष महेश मोदेकर वय 8 रा. कणबर्गी बेळगाव असे या अपघातात ठार झालेल्या दुर्दैवी बालकाचे नाव आहे.या घटने बाबत समजलेले अधिक माहितीनुसार आरुष हा आपल्या आई सोबत नातलगांच्या लग्नकार्य समारंभात सहभागी होण्यासाठी कणबर्गी घेऊन वडगाव येथे आला होता.
सोमवारी सायंकाळी लहान मुलांसोबत खेळताना माती भरून घेऊन जाणाऱ्या ट्रॅक्टरच्या पाठीमागच्या ट्रॉलीच्या चाकात सापडल्याने त्याचा दुर्दैवी अंत झाला आहे.
आरुष हा आपल्या आई-वडिलांना एकुलता एक मुलगा होता त्यामुळे घटनास्थळी आईने फोडलेला हंबरडा पाहून हळहळ व्यक्त करण्यात येत होती.
घटनास्थळी शहापूर पोलिसांनी भेट देऊन पण जमा केला ट्रॅक्टर मालकविरोधक चालका विरोधात गुन्हा दाखल केला आहे.यात्रा लग्न समारंभा वेळी पाहुणे नातलगांच्या जाणाऱ्या पालकांनी लहान मुलांकडे सतत लक्ष देण्याची गरज बनली आहे.
