बेळगाव लाईव्ह : भीमगड अरण्य प्रदेशातील गावातील रहिवाशांना योग्य पुनर्वसन देऊन हळूहळू स्थलांतरित केले जाईल, असे वन, जैवविविधता आणि पर्यावरण मंत्री ईश्वर बी खंड्रे यांनी सांगितले.
सोमवारी रात्री अधिवेशनानंतर तळेवाडीस अरण्य विभागाचे वरिष्ठ अधिकाऱ्यांसह भेट देऊन, गावकऱ्यांसोबत बैठक घेतली. यावेळी मंत्री खंड्रे यांनी प्रत्येक कुटुंबाला 15 लाख रुपये पुनर्वसन देण्यासाठी सरकार तयार असून, अरण्यवासी स्वयंप्रेरणेने स्थलांतरासाठी तयार व्हावेत, असे सांगितले.
सध्या भीमगडच्या जंगलात एकूण 13 वस्ती असून, 754 कुटुंब असून 3059 लोक राहत आहेत, याची माहिती घेतली. पूर्ण गावातील लोकांनाही स्थलांतरासाठी तयार असल्यास, अशा गावांसाठी पुनर्वसन देऊन, त्यांचे स्थलांतर केले जाईल, असे निर्देश दिले.
गावकऱ्यांना संबोधित करताना मंत्री खंड्रे यांनी सांगितले की, अरण्यवासींसाठी देण्यात येणारे पुनर्वसनाचे पैसे अन्य कोणाच्या हाती जाणार नाहीत आणि अरण्यबाहेर जाऊन तळ गावातील जमीन खरेदी करून आपला जीवनव्यवसाय उभा करा, असेही सल्ला दिला. भीमगड जाणाऱ्या मार्गात जंगलात चालणाऱ्या महिलांच्या समस्या जाणून घेतल्या. अरण्य प्राण्यांकडून होणाऱ्या त्रासाबाबत माहिती घेतली आणि पुनर्वसन घेत अरण्याबाहेर जावे, असे त्यांना आग्रहाने सांगितले.
कोंगळमध्ये 63 कुटुंब, पस्तोलीत 36, गवाळीत 90, आबनाळीत 81, जामगाव येथे 82, हेम्मडगमध्ये 128, तळेवाडीमध्ये 13, देगाव येथे 31, पालीत 73, मेंडीलमध्ये 40, कृष्णापूर येथे 12, होल्डात 7 आणि अमगाव येथे 98 कुटुंब असून, यात 1530 पुरुष, 1443 महिलांसह एकूण 3059 लोक राहत आहेत, असे अधिकाऱ्यांनी सांगितले.
याआधी मार्गदरम्यान मंत्री खंड्रे यांनी महादयी नदीचे निरीक्षण केले आणि हेम्मडगा येथील भीमगड वन्यजीव आश्रमात अधिकाऱ्यांसोबत बैठक घेतली. यावेळी मुख्य वनसंरक्षक आणि मुख्य वन अधिकारी बृजेश कुमार दीक्षित, अपर मुख्य वनसंरक्षक कुमार पुष्कर, बेलगावीचे मुख्य वनसंरक्षक मनजुनाथ चौव्हाण, उप वनसंरक्षक मेरी क्रिस्तू राज, सहाय्यक वनसंरक्षक सुनीता निमबर्गी, खानापूर उप विभागाचे सर्व विभागीय वन अधिकारी आणि कर्मचारी उपस्थित होते.
