बेळगाव लाईव्ह : पंचमसाली आंदोलनादरम्यान पंचमसाली समाजातील नेत्यांनी किंवा नागरिकांनी नाही तर विनागणवेष आलेल्या पोलिसांनीच दगडफेक केली, विनाकारण समाजातील लोकांवर लाठीचार्ज करण्यात आला, असा आरोप कुडलसंगम पंचमसाली पीठाचे श्री बसवजयमृत्युंजय स्वामीजी यांनी केला.
बुधवारी बेळगाव येथील गांधी भवन येथे पत्रकार परिषदेत ते बोलत होते. एवढा हिंसाचार पोलिसांनी करायला हवा होता का? त्यांनी आमच्या समाजाचे नाव खराब करण्याचा प्रयत्न केला.
पोलिसांवर प्रथम दगडफेक करणारे पोलिस होते जे विनागणवेष आले होते. पोलिसांवर पद्धतशीर हल्ला केला आहे. आमच्या समाजातील शेतकऱ्यांवर दाखल झालेला गुन्हा मागे घ्यावा, अशी मागणी त्यांनी केली.
भाजप सरकारच्या काळात कायदा आणि सुव्यवस्थेचे एडीजीपी असलेले आलोक कुमार यांनी आम्हाला ६ लाख नागरिकांसहित आंदोलन करण्यास सांगितले. मात्र विद्यमान एडीजीपी आर. हितेंद्रने आमच्या समाजावरचा हल्ला केला आहे. त्यांच्यावर कारवाई करावी, असे ते म्हणाले. आम्ही आमचा लढा थांबवणार नाही. उद्यापासून आरक्षणासाठी गावोगाव लढू. हत्तरगी आणि हिरेबागेवाडी टोलनाक्याजवळ तीव्र आंदोलन छेडण्यात येईल, असा इशारा त्यांनी दिला.
पंचमसाली समाजाला ‘आरक्षण’ देण्यासाठी गेली चार वर्षे लढा देत आहोत. आपला समाज कधीच विचलित झाला नाही. कोणत्याही सरकारने आमच्यावर अत्याचार केले नाहीत. 20 दिवसांपूर्वी मुखमंत्री सिद्धरामय्या यांनी आमच्या मागणीला प्रतिसाद दिला नाही. मंगळवारी सुवर्ण विधानसौधला घेराव घालत संघर्ष पुकारला. त्यानुसार कोंडुसकोप्पजवळ लाखोंच्या संख्येने निषेध सभा झाली, तेव्हा तिन्ही मंत्र्यांनी येऊन आपले चांगले मत व्यक्त केले असते तर ती सभा संपली असती.
जिल्हा प्रशासनाने ट्रॅक्टर लढविण्यास बंदी घातली होती. आम्ही उच्च न्यायालयाच्या आदेशाचे उल्लंघन करण्याचा प्रश्नच उद्भवत नाही. आम्ही शांतपणे लढत आहोत. आमच्यावर लाठीमार का केला, असा संताप त्यांनी जिल्हा प्रशासनावर व्यक्त केला. पोलीस अधिकाऱ्यांनी आमच्या समाजावर केलेल्या हल्ल्याच्या निषेधार्थ कोंडुसकोप्प गावात आम्ही धरणे सत्याग्रह करणार असल्याचे त्यांनी सांगितले.
यावेळी विधानपरिषद सदस्य चन्नराज हट्टीहोळी, मृणाल हेब्बाळकर, पंचमसाली नेते निंगाप्पा पिरोजी, गुंडू पाटील, काकागौडा पाटील, आर.पी.पाटील, आदिवेषा इटागी, राजू मगदुम्मा आदी उपस्थित होते.
