बेळगाव लाईव्ह : बेळगावमधील तिसऱ्या रेल्वे गेटनजीकच्या रस्त्याची आज खासदार जगदीश शेट्टर यांनी पाहणी केली. तिसरे रेल्वे गेट, ओव्हर ब्रिज येथील दुसऱ्या लेनच्या रस्त्याचे कामकाज रखडले असून आज याठिकाणी भेट देऊन त्यांनी रखडलेल्या बांधकामाची पाहणी केली.
रेल्वे विभाग आणि सार्वजनिक बांधकाम विभागाच्या (पीडब्ल्यूडी) अभियंत्यांसह शेट्टर यांनी काम स्थगित करण्यामागील कारणांवर चर्चा केली आणि अधिका-यांना विलंब न करता बांधकाम पुन्हा सुरू करण्याचे आवाहन केले.
जनतेची सुरक्षितता सुनिश्चित करण्यासाठी आणि वाहनांची हालचाल सुलभ करण्यासाठी विद्यमान उणीवा दूर करण्याच्या महत्त्वावर त्यांनी भर दिला.
याशिवाय, आधीच कार्यरत असलेल्या पहिल्या लेनवरील खड्डे तातडीने दुरुस्त करण्याचे निर्देश खासदारांनी दिले. त्यांनी रेल्वे विभाग आणि महापालिकेच्या अभियंत्यांना तातडीने कार्यवाही करून पहिल्या व दुसऱ्या फाटकांवर रोबचे काम सुरू करण्याच्या सूचना दिल्या.
