बेळगाव लाईव्ह :भारताच्या इन्फंट्री अर्थात पायदळ सैनिकांच्या शौर्य, समर्पण आणि बलिदानाचा गौरवार्थ बेळगाव येथील मराठा लाईट इन्फंट्री रेजिमेंटल सेंटर येथे 78 वा ‘इन्फ्रट्री दिन’ आज रविवारी मोठ्या अभिमानासह गंभीरतेने आचरणात आणण्यात आला.
इन्फंट्री दिन सोहळ्याची सुरुवात आदरणीय शरकत युद्ध स्मारकाच्या ठिकाणी पुष्पचक्र अर्पण करण्याच्या समारंभाने झाली. याप्रसंगी सेवारत आणि सेवानिवृत्त लष्करी अधिकारी, कनिष्ठ आयोग अधिकारी (जेसीओस) आणि इतर रँक (ओआरएस) शहीद सैनिकांना श्रद्धांजली वाहण्यासाठी जमले होते.
इन्फंट्रीच्या सेवारत सदस्यांसोबत दिग्गजांच्या उपस्थितीमुळे यावेळी अंतर्यामी खोलवर जाणवणारे वातावरण निर्माण झाले होते. कर्तव्याप्रती त्यांच्या सामायिक बांधिलकीमुळे पिढ्या एकजूट झाल्या. सैन्यानेही त्यांचा ‘नेशन फर्स्ट’ दृष्टीकोन सुरू ठेवण्याची शपथ घेतली आणि आव्हानात्मक आणि अनेकदा धोकादायक परिस्थितींचा सामना करत आपल्या देशाच्या संरक्षणार्थ अग्रेसर बनण्याचा निर्धार केला.
मेजर जनरल आर.एस.गुराया, व्हीएसएम, ज्युनियर लीडर विंग कमांडर आणि ब्रिगेडियर जॉयदीप मुखर्जी, स्टेशन कमांडर बेळगाव मिलिटरी स्टेशन आणि कमांडंट मराठा लाईट इन्फंट्री रेजिमेंटल सेंटर यांच्या उपस्थितीने हा इन्फंट्री दिन सोहळा पार पडला.
पुष्पचक्र अर्पण समारंभानंतर सर्व उपस्थित सैन्यासोबत चहापानासाठी एकत्र जमले. यावेळी शौर्य आणि समर्पणाचे किस्से सांगून सौहार्द वाढविला गेला.
