बेळगाव लाईव्ह : बेळगावमध्ये येत्या २७ आणि २८ सप्टेंबर रोजी सतीश जारकीहोळी भव्य खुल्या बुद्धिबळ स्पर्धांचे आयोजन करण्यात आले आहे, अशी माहिती सतीश फॅन्स क्लबचे अध्यक्ष इम्रान तपकीर यांनी दिली. आज बेळगावमध्ये आयोजित पत्रकार परिषदेत त्यांनी उपरोक्त माहिती दिली.
गोवावेस येथील महावीर भवन येथे या स्पर्धांचे आयोजन करण्यात आले असून या स्पर्धेत राष्ट्रीय स्तरावरील खेळाडू सहभागी होणार आहेत. स्पर्धकांसाठी भोजन व राहण्याची सोय करण्यात आली असून या स्पर्धेसाठी कर्नाटक, महाराष्ट्र, गुजरात, राजस्थान आणि गोव्यासह विविध राज्यांतून स्पर्धक येणार आहेत.
स्पर्धेत सहभागी होण्यासाठी १६ वर्षांवरील गटासाठी १००० रुपये आणि १६ वर्षांखालील स्पर्धकांसाठी ८०० रुपये प्रवेश शुल्क निश्चित करण्यात आला आहे.
या स्पर्धेत विविध क्रमांकाची एकूण ३.५ लाखांची बक्षिसे जाहीर करण्यात आली असून ५६ ट्रॉफी, ५३ मेडल्स आणि ३ शिल्ड्स देखील पुरस्कृत करण्यात आल्या आहेत. विजेत्या स्पर्धकांसह सहभागी प्रत्येक खेळाडूला गौरविण्यात येणार असून अधिकाधिक बुद्धिबळ पटूनि या स्पर्धेत सहभाग घ्यावा, असे आवाहन आयोजकांनी केले आहे.
