बेळगाव लाईव्ह: शाळेला जाणाऱ्या एका अल्पवयीन मुलीचा पाठलाग करून सातत्याने तिची छेडछाड करणाऱ्या एका युवकाला रंगेहात पकडून त्याला चांगलाच चोप दिल्याची घटना आज मंगळवारी सकाळी फोर्ट रोड येथे घडली. त्यानंतर चोप देत त्या युवकाला शास्त्रीनगर येथे आणून पोलिसांच्या स्वाधीन करण्यात आले.
मिळालेल्या माहितीनुसार नागरिकांनी चोप दिलेला युवक हा टेलिकॉम खात्याच्या जर खोदणे खड्डे बुजवणे वगैरे काम करणाऱ्या विभागात कामाला आहे. तसेच हा युवक टेलिकॉम खात्याची ‘ऑन ड्युटी टेलिकॉम डिपार्टमेंट 24×7’ असा समोरच्या काचेवर फलक असलेली झायलो कार घेऊन फिरत असतो.
हा युवक गेल्या 8 दिवसांपासून भरतेश हायस्कूलमध्ये शिकणाऱ्या फोर्ट रोड परिसरातील एका नववीच्या मुलीचा दररोज पाठलाग करून छेडछाड करत होता. शाळा सुटल्यानंतर त्या मुलीचा पाठलाग करून तिचे नांव विचारणे, घरचा पत्ता विचारणे असे प्रकार त्या युवकाकडून सुरू होते.
त्रस्त मुलीची आई ही गुडशेड रोड शास्त्रीनगर येथील एका सोसायटीमध्ये कामाला आहे. तिने सोसायटीतील आपल्या सहकाऱ्यांना आपल्या मुलीला दिल्या जाणाऱ्या त्रासाची माहिती दिली. तेंव्हा त्यांनी आज शुक्रवारी सकाळी पाळत ठेवून त्या युवकाला त्या शाळे नजीक संबंधित मुलीची छेडछाड करताना रंगेहात पकडून चांगलीच धुलाई केली.
त्यानंतर त्याला पोलिसांच्या ताब्यात देण्यात आले. सदर युवकाचे नांव बाळाप्पा असे आहे. देशात अलिकडे महिला आणि युवतींवरील अन्याय अत्याचाराच्या वाढत आहेत. सदर नीच प्रवृत्तीला आळा घालण्यात आपली कायदा यंत्रणा तोकडी तर पडत नाही ना? अशी शंका व्यक्त होत आहे.
तसेच महिलांवरील अत्याचारांना आळा घालायचा असेल तर संबंधित नराधमांना शिक्षा देण्यासाठी जनतेच्या हवाली केले जावे अशी वाढती मागणी आहे. या पार्श्वभूमीवर शास्त्रीनगर येथील संतप्त रहिवासी आणि सोसायटीतील कर्मचाऱ्यांनी शाळकरी मुलीला त्रास देणाऱ्या युवकाला आज चांगला चोप दिल्याबद्दल सर्वत्र समाधान व्यक्त होत आहे.
