बेळगाव लाईव्ह :राज्यात आज आणि उद्या सोमवारी मुसळधार पाऊस पडण्याची शक्यता हवामान खात्याने वर्तवली आहे. सध्या कारवार आणि उडपी जिल्ह्यांमध्ये हवामान खात्याने ‘ऑरेंज अलर्ट’ जारी केला आहे.
त्याचप्रमाणे बेळगाव, शिमोगा, चिक्कमंगळूर आणि मंगळूर या जिल्ह्यांमध्ये ‘येलो अलर्ट’ची घोषणा करण्यात आली आहे.
राज्याच्या किनारपट्टीच्या भागात ताशी 35 ते 55 कि.मी. वेगाने वाहणाऱ्या वाऱ्यासह मुसळधार पाऊस पडण्याची शक्यता असल्यामुळे मच्छीमारांना सावधगिरीचा इशारा देण्यात आला आहे.
