बेळगाव लाईव्ह :भरधाव मालवाहू वाहनाने ऑटो रिक्षाला धडक दिल्यामुळे घडलेल्या अपघातात रिक्षाचालक जागीच ठार झाल्याची घटना आज शनिवारी सकाळी शहरातील बी. एस. येडीयुरप्पा मार्गाजवळील राष्ट्रीय महामार्गावर घडली.
अपघातात ठार झालेल्या दुर्दैवी ऑटो रिक्षा चालकाचे नांव अमीन यरगट्टी (वय 45) असे आहे.
आपल्या ऑटो रिक्षात भाजी भरून बेळगावच्या दिशेने येत असलेल्या अमीन याच्या ऑटो रिक्षाला शहरातील येडियुरप्पा मार्गाजवळील राष्ट्रीय महामार्गावर एका मालवाहू गुड्स वाहनाने धडक दिली.
ही धडक इतकी जोराची होती की रिक्षातून बाहेर फेकल्या गेलेल्या अमिनचा जागीच मृत्यू झाला. अपघाताची माहिती मिळताच हिरेबागेवाडी पोलिसांनी घटनास्थळी दाखल होऊन पंचनामा केला,
तसेच मृत ऑटो रिक्षा चालकाचा मृतदेह उत्तरीय तपासणीसाठी सिव्हिल हॉस्पिटलकडे धाडला. याप्रकरणी हिरेबागेवाडी पोलीस ठाण्यात गुन्हा नोंद झाला आहे.