बेळगाव लाईव्ह: तालुका महाराष्ट्र एकीकरण समितीच्या पुनर्रचनेत नव्या कार्यकर्त्यांना संधी द्या अशी मागणी करत बेनकनहळळी महाराष्ट्र एकीकरण समितीने तालुका महाराष्ट्र एकीकरण समितीला इशारा दिला आहे.
तालुका समिती पदाधिकार्‍यांनी संघटना बळकट करण्यासाठी स्वतःहून माघार घ्यावी आणि नवीन कार्यकर्त्यांना संधी द्यावी. अन्यथा नव्या कार्यकारणीमध्ये आम्ही माघार घेणार असून फक्त गाव पातळीवर संघटना म्हणून कार्यरत राहू, असा इशारा बेनकनहळ्ळी ग्रामस्थांनी तालुका महाराष्ट्र एकीकरण समितीच्या पदाधिकार्‍यांना दिला आहे.
बेनकनहळ्ळी येथील महाराष्ट्र एकिकरण समितीच्या कार्यकर्त्यांची शनिवारी महालक्ष्मी मंदिरात बैठक झाली. या बैठकीत संघटना बळकटीबाबत सविस्तर चर्चा करण्यात आली.
तालुक्यात महाराष्ट्र एकीकरण समितीला पुन्हा बळकटी येण्यासाठी सर्वांना प्रयत्न करणे आवश्यक आहे. त्यामध्ये आता पदाधिकार्‍यांनी संघटनेसाठी थोडी माघार घ्यावी, स्वतःहून संघटनात्मक बळ वाढीसाठी नव्या कार्यकर्त्यांना पाठबळ द्यावे. आता जी 13 जणांची समिती संघटनेच्या कार्यकारिणीसाठी गावोगावी बैठका घेत आहेत. त्यामध्ये युवकांचा सहभाग दिसून येत नाही. त्यामुळे या सार्‍या बाबींचा पदाधिकार्‍यांनी विचार करावा, असे आवाहन करण्यात आले आहे.गेल्या काही दिवसांपासून तालुका समितीचे पदाधिकारी आणि ज्येष्ठ लोक कार्यकारिणी निवडण्यासाठी गावोगावी बैठका घेत आहेत, या विषयावर अनेकांनी मत व्यक्त केले.
या बैठकीत तालुका महाराष्ट्र एकीकरण समिती बळकट करायची असेल तर पदाधिकार्‍यांनी स्वतःहून थोडी माघार घेऊन मार्गदर्शक म्हणून काम करावे. आमची ही मागणी मान्य नसेल तर आम्ही कार्यकारिणीत सहभागी होणार नाही. गाव पातळीवर आमची आम्ही संघटना बळकट करू, असा निर्णय घेण्यात आला.
या बैठकीला भरमा देसूरकर, आनंद जाधव, युवराज पाटील, मारूती पाटील, भरमा पाटील, संतोष मंडलिक, जोतिबा जाधव, सुनील खांडेकर, नारायण पाटील, प्रविण चौगुले, चंद्रकांत पाटील, जोतिबा देसूरकर, दीपक देसूरकर, यल्लाप्पा देसूरकर आदी उपस्थित होते.
दरम्यान तालुका समिती कार्यकारिणीत काम करण्यासाठी बेनकनहळ्ळीतील समिती कार्यकर्त्यांनी बैठकीत पंधरा कार्यकर्त्यांची नावे निवडण्यात आली आहेत.जर पदाधिकार्‍यांनी नव्या कार्यकारीणीतून माघार घेतली तरच यांचा कार्यकारिणीत समावेश करण्यात यावा, असे कळवले आहे.
पंधरा जणांची निवड
तालुका समिती कार्यकारिणीत काम करण्यासाठी बेनकनहळ्ळीतील समिती कार्यकर्त्यांनी बैठकीत पंधरा कार्यकर्त्यांची नावे निवडण्यात आली आहेत. त्यामध्ये रामा पाटील, आनंद पाटील, प्रकाश पाटील, लक्ष्मण खांडेकर, मारुती पाटील, शंकर पाटील, राजू देसूरकर, परशराम म. पाटील, मोहन कांबळे, प्रविण देसूरकर, गजानन देसूरकर, विठ्ठल पाटील, प्रमोद लाड आणि सुनील खांडेकर यांच्या नावाचा समावेश आहे. जर पदाधिकाऱ्यांनी नव्या कार्यकारीणीतून माघार घेतली तरच यांचा कार्यकारिणीत समावेश करण्यात यावा, असे कळवले आहे.
