बेळगाव लाईव्ह :अतिवृष्टीमुळे खानापूर तालुक्यातील हेम्मडगा रस्ता बंद झाला असून खबरदारीचा उपाय म्हणून अंगणवाड्यांसह शाळा महाविद्यालयांना आज शुक्रवारी व उद्या शनिवारी 20 जुलै सुट्टी जाहीर करण्यात आली आहे.
खानापूर तालुक्यात सुरू असलेल्या मुसळधार पावसामुळे खानापूर -हेम्मडगा रस्त्यावरील हालत्री नदी पुलावर पाणी आले आहे. त्यामुळे या पुलावरील वाहतूकीवर निर्बंध घालण्यात आला आहे. परिणामी खानापूर -हेम्मडगा रस्त्यावरील रहदारी ठप्प झाली आहे.
अतिवृष्टीचा संभाव्य धोका लक्षात घेऊन खानापूर तालुक्यातील अंगणवाड्या शाळा आणि महाविद्यालयांना आज शुक्रवारी 19 व उद्या शनिवारी 20 जुलै रोजी सुट्टी जाहीर करण्यात आली आहे. खानापूर तालुक्यात विविध ठिकाणी पुढील प्रमाणे पावसाची नोंद झाली आहे.
खानापूर 41 मि.मी., नागरगाळी 64.4 मि.मी., बिडी 45.4 मि.मी., कक्केरी 40.2 मि.मी., असोगा 50.8 मि.मी., गुंजी 76.2 मि.मी., लोंढा रेल्वे स्थानक 101 मि.मी., लोंढा पीडब्ल्यूडी 94 मि.मी. कणकुंबी 64 मि.मी.
