बेळगाव लाईव्ह : बेळगाव व खानापूर तालुक्यात सुरू असलेल्या मुसळधार पावसामुळे जनजीवन अस्तव्यस्त झाले आहे त्यामुळे खानापूर आणि बेळगाव तालुक्यातील सरकारी प्राथमिक माध्यमिक अनुदानित विनाअनुदानित अंगणवाडी शाळांना ( खानापूर तालुक्यात बारावी पर्यंत कॉलेजना) सुट्टी देण्यात आली आहे. सोमवारी 22 आणि मंगळवारी 23 रोजी दोन दिवस शाळांना सुट्टी देण्यात आली आहे.
जिल्हाधिकारी मोहम्मद रोशन यांनी सुट्टीचा आदेश जारी केला आहे. सतत सुरू असलेल्या पावसाने गेल्या शुक्रवारी आणि शनिवारी खानापूर तालुक्यातील शाळा कॉलेजला सुट्टी देण्यात आली होती रविवारी देखील पावसाचा जोर कायम राहिल्याने खानापूर तालुक्यात सोमवारी आणि मंगळवारी सुट्टीचा आदेश पुन्हा एकदा कायम करण्यात आला आहे.
बेळगाव तालुक्यात देखील पावसाचा जोर वाढला असून रविवारी देखील संततधार सुरूच आहे यासाठी जिल्हाधिकारी यांनी सोमवारी मंगळवारी शाळांना सुट्टी देण्याचा आदेश बजावला आहे.
तालुका शिक्षणाधिकारी गट शिक्षणाधिकारी आणि जिल्हा शिक्षणाधिकाऱ्यांनी या आदेशाचे पालन करावे अशा सूचनाही जिल्हाधिकाऱ्यांनी दिल्या आहेत. त्यामुळे सोमवारी मंगळवारी बेळगाव शहर तालुक्यात प्राथमिक माध्यमिक शाळांना सुट्टी देण्यात आली आहे.
अधिकाऱ्यांनी दिली खानापूरला भेट |
बेळगाव लाईव्ह :बेळगाव जिल्ह्यातील खानापुरा तालुक्यात मुसळधार पावसाच्या पार्श्वभूमीवर जिल्हाधिकारी मोहम्मद रोशन यांच्यासह बेळगाव जिल्ह्याचे पोलीस अधीक्षक आणि मुख्य कार्यकारी अधिकारी जिल्हा पंचायत बेळगाव यांनी खानापुरा तालुक्यातील विविध ठिकाणी भेटी देऊन सद्यस्थिती, वाहतूक व्यवस्था आणि नदी-नाल्यांच्या पाण्याची पातळी तपासली. खानापूर तालुक्यातील कुसुमळी गावातील पुलाची पाहणी करून आवश्यक उपाययोजना करण्यासाठी संबंधित अधिकाऱ्यांना योग्य ते निर्देश देण्यात आले.
