बेळगाव लाईव्ह : टिळकवाडी महावीर भवन आणि सिटी हॉल मधून सोन्याचे दागिने चोरून फरार झालेल्या चोरट्यांना दागिन्यांसहित अटक करण्यात आली आहे.
टिळकवाडी पोलिसांनी हि कारवाई केली असून या कारवाईत चार लाख रुपये किमतीचे सोन्याचे दागिने जप्त करण्यात आले आहेत.
या प्रकरणी सोहेल मौला ताशावाले (वय २६) रा. उज्वल नगर, बेळगाव याला अटक करण्यात आली आहे. टिळकवाडी पोलीस स्थानकाचे इन्स्पेक्टर कपिल देव गडद आणि त्यांच्या सहकाऱ्यांनी चोरट्यांचा माग काढला,
आणि त्याच्याकडून चोरीचे ४ लाख १०००० किमतीचे ५८.४ ग्रॅम सोन्याचे दागिने जप्त केले. अटक करण्यात आलेल्या आरोपीची कसून चौकशी करण्यात येत असून अधिक तपस करण्यात येत आहे.
या कारवाईत बेळगाव शहर पोलीस आयुक्त आणि टिळकवाडी पोलिसांनी अथक परिश्रम घेतले.