बेळगाव लाईव्ह:सुसाट वेगाने हाकल्या जाणाऱ्या वाहनांमुळे हिंडलगा मिलिटरी गणपती मंदिरापासून हिंडलगा मराठी हायस्कूलपर्यंतचा रस्ता सध्या धोकादायक बनला असून या ठिकाणी तात्काळ गतिरोधक बसवण्यात यावेत, अशी जोरदार मागणी केली जात आहे.
हिंडलगा मिलिटरी गणपती मंदिरापासून हिंडलगा मराठी हायस्कूलपर्यंतच्या रस्त्यावर एकही गतिरोधक बसवण्यात आलेला नाही. त्यामुळे या रस्त्यावर सुसाट वेगाने वाहने हाकली जातात.
मोठ्या प्रमाणात रहदारी असलेल्या या रस्त्याच्या ठिकाणी दाट लोकवस्ती आहे. त्यामुळे गतिरोधक नसलेला सदर रस्ता अपघाताला निमंत्रण देणारा ठरत आहे. या रस्त्यावर शाळकरी मुले आणि नागरिकांची सततची ये-जा सुरू असते.
वाहने भरधाव वेगाने जात असल्यामुळे या सर्वांना जीव मुठीत घेऊन रस्ता ओलांडावा लागतो. तेंव्हा लोकप्रतिनिधींसह संबंधित अधिकाऱ्यांनी याकडे गांभीर्याने लक्ष घेऊन एखादी दुर्घटना घडण्यापूर्वी
हिंडलगा मिलिटरी गणपती मंदिरापासून हिंडलगा मराठी हायस्कूलपर्यंतच्या रस्त्यावर योग्य ठिकाणी लवकरात लवकर स्पीड ब्रेकर्स अर्थात गतिरोधक बसवावेत, अशी जोरदार मागणी जागरूक नागरिकांकडून केली जात आहे.
