बेळगाव लाईव्ह :निस्वार्थ जनसेवेबरोबरच मूक प्राणी आणि पक्षांच्या हितासाठी झटणाऱ्या फेसबुक फ्रेंड्स सर्कलच्या कार्यकर्त्यांनी आज एका असहाय्य घारीच्या पिल्लाला आणि कबुतराला जीवदान दिले.
याबाबतची थोडक्यात माहिती अशी की, पाटील गल्ली वडगाव येथील प्रसाद निंबाळकर यांनी आज फेसबुक फ्रेंड्स सर्कलच्या (एफएफसी) फोन करून आपल्या घरासमोर एक छोटे घारीचे पिल्लू पडले असल्याची माहिती दिली.
सदर माहिती मिळताच एफएफसीचे प्रमुख संतोष दरेकर आणि त्यांच्या सहकार्याने घटनास्थळी धाव घेऊन त्या घारीच्या पिल्लाला त्याचप्रमाणे वाटेत गोमटेश हायस्कूल नजीकच्या दुपदरी रस्त्यावर असहाय्य अवस्थेत पडलेल्या कबुतरालाही आपल्या ताब्यात घेतले.
त्यानंतर सदर दोन्ही पक्षी त्यांनी सुरक्षितरित्या वनखात्याचे ईश्वर नाईक यांच्या ताब्यात दिले.
या पद्धतीने एफएफसीच्या कार्यकर्त्यांनी एका असहाय्य घारीच्या पिल्लाला आणि कबुतराला जीवदान दिल्याबद्दल त्यांची प्रशंसा होत आहे.
