बेळगाव लाईव्ह :गेल्या एप्रिल 2019 पूर्वी नोंदणी झालेल्या सर्व वाहनांना अतिसुरक्षित नोंदणी क्रमांक फलक (एचएसआरपी) नंबर प्लेट लावून घेणे बंधनकारक असून त्यासाठी 17 फेब्रुवारी ही अखेरची मुदत असणार आहे.
तेंव्हा दंडात्मक कारवाईतून वाचण्यासाठी सर्वांनी आपल्या वाहनांवर एचएसआरपी नंबर प्लेट बसून घ्याव्यात, असे आवाहन प्रादेशिक परिवहन खात्याने केले आहे.
एचएसआरपी नंबर प्लेट बसून घेण्याची मुदत समाप्त होताच दंडात्मक कारवाई केली जाणार आहे. या आधी वर्षभर मुदतवाढ दिली असली तरी असंख्य वाहन चालकांनी वाहनांवर नंबर प्लेट बसवून घेतलेल्या नाहीत. त्यासाठी आता 18 दिवस शिल्लक असून संबंधितांनी तात्काळ त्या नंबर प्लेट्स बसून घ्याव्यात.
यापुढे मुदतवाढ देण्याबाबत सूचना आली नसल्यामुळे दंडात्मक कारवाई टाळण्यासाठी संबंधित वाहन चालकांनी मुदतीत नंबर प्लेट बसून घ्याव्यात असे प्रादेशिक परिवहन अधिकारी नागेश मुंडास यांनी स्पष्ट केले आहे. एकंदर 1 एप्रिल 2019 पूर्वी नोंदणी झालेल्या राज्यातील सर्व वाहनांचे नंबर प्लेट बदलावे लागणार आहेत.
यापूर्वी 17 नोव्हेंबर 2023 ही अखेरची मुदत होती. मात्र तांत्रिक समस्येमुळे ही मुदत वाढवून 17 फेब्रुवारी 2024 पर्यंत केली आहे. त्यानंतर 500 ते 1000 रुपयांपर्यंत दंड केला जाणार आहे.
वाहन चालकांनी एचएसआरपी नंबर प्लेट घेण्यासाठी Transport.karnataka.gov.in यावर ‘बुक एचएसआरपी’ वर क्लिक करावे. त्यानंतर कंपनीची निवड करून वाहना बाबत अन्य माहिती भरावी. त्यानंतर नंबर प्लेट जोडणीच्या स्थळाची निवड करावी, असे कळविण्यात आले आहे.
