समीक्षक: संजय साबळे
"मी आहे…"
मी आहे…सीमारेषेच्या पलीकडे जन्मलेला,पण संतांच्या शब्दात वाढलेला…भक्तीने...
बेळगाव लाईव्ह :शहरातील गुलमोहर बाग कलाकारांतर्फे येत्या शुक्रवार दि 26 ते मंगळवार दि. 30 जानेवारी 2024 या कालावधीत वरेकर नाट्य संघ टिळकवाडी येथे ‘रिदम ऑफ कलर्स’ हे पेंटिंग प्रदर्शन आयोजित करण्यात आले आहे.
टिळकवाडी येथील हेरवाडकर हायस्कूल नजीकच्या वरेकर नाट्य संघाच्या कला महर्षी के. बी. कुलकर्णी आर्ट गॅलरीमध्ये आयोजित सदर प्रदर्शनाचा उद्घाटन समारंभ शुक्रवारी 26 जानेवारी रोजी सकाळी 10:30 वाजता एमएलआयआरसी बेळगावचे कमांडंट ब्रिगेडियर जोयदीप मुखर्जी, डॉ. श्रीनिवास शास्त्री, प्रकाश सिदनाळ व श्रद्धा त्रिवेदी यांच्या हस्ते होणार आहे.
सदर प्रदर्शनात सुमारे 50 हून अधिक कलाकारांची पेंटिंग्स मांडण्यात येणार आहेत. हे प्रदर्शन सलग पाच दिवस म्हणजे मंगळवार दि. 30 जानेवारीपर्यंत दररोज सकाळी 11 ते रात्री 8 वाजेपर्यंत भरविले जाणार आहे. प्रदर्शनात दररोज एका मातब्बर कलाकाराचे पेंटिंगचे प्रात्यक्षिक सादर केले जाणार आहे.
उद्घाटनाच्या पहिल्या दिवशी दुपारी 3:30 वाजता श्रद्धा त्रिवेदी या वॉटर कलर पेंटिंग प्रात्यक्षिक सादर करणारा असून त्यानंतरचे तीन दिवस दररोज दुपारी 4 वाजता अनुक्रमे श्वेता किनी आजगावकर, प्रकाश सिदनाळ, सुदक्षणा अडके व शिवाजी बेकवाडकर हे पेंटिंगचे प्रात्यक्षिक सादर करणार आहेत.
तरी कलाप्रेमींनी रिदम ऑफ कलर प्रदर्शनाचा मोठ्या संख्येने लाभ घेऊन पेंटिंग कलेचा आनंद लुटावा, असे आवाहन गुलमोहर बाग कलाकारांतर्फे करण्यात आले आहे.
