बेळगाव लाईव्ह :सरकारने यंदाच्या 2023-24 मधील गळीत हंगामासाठी जाहीर केलेल्या न्याय व लाभदायक दरानुसार (एफआरपी) जिल्ह्यातील साखर कारखान्यांनी प्रति टन ऊसाला दर द्यावा, अशी सूचना जिल्हाधिकारी नितेश पाटील यांनी साखर कारखान्यांच्या प्रतिनिधींना केली आहे.
शहरातील गणेशपुर रोडवरील निजलिंगप्पा साखर संस्थेमध्ये काल शुक्रवारी साखर कारखाना प्रतिनिधींची बैठक पार पडली. या बैठकीत जिल्हाधिकारी अध्यक्ष स्थानावरून बोलत होते. यंदाच्या गळीत हंगामाच्या पार्श्वभूमीवर घेण्यात आलेल्या या बैठकीत एफआरपीप्रमाणे दर देण्याचा निर्णय घेण्यात आला. बैठकीत जिल्हाधिकारी (डीसी) नितेश पाटील यांनी जिल्ह्यातील प्रत्येक साखर कारखान्याच्या प्रतिनिधीला निश्चित केलेल्या एफआरपीप्रमाणे शेतकऱ्यांच्या ऊसाला दर देण्याबाबत सूचना केल्या. बेळगाव जिल्ह्यातील साखर कारखान्यांसाठी सरकारने निश्चित केलेला उसाचा प्रति टन एफआरपी दर कारखाना निहाय पुढील प्रमाणे आहे.
अरिहंत शुगर्स जैनापुर (ता. चिक्कोडी) -3601 रुपये, अथणी शुगर्स अथणी 3518 रु., बेळगाव शुगर्स हुदली (ता. बेळगाव) -3557 रु., दूधगंगा कृष्णा सहकारी साखर कारखाना चिक्कोडी -3500 रु., ईआयडी पॅरी इंडिया रामदुर्ग -3657 रु., घटप्रभा साखर कारखाना गोकाक -3346 रु., गोकाक शुगर्स कोळवी (ता. गोकाक) -3641 रु., हालसिद्धनाथ सहकारी कारखाना निपाणी -3611 रु., हर्षा शुगर्स सौंदत्ती -3384 रु., हिरण्यकेशी कारखाना संकेश्वर (ता. हुक्केरी) -3488 रु., कृष्णा कारखाना संकोनट्टी (ता. अथणी) -3528 रु., लैला शुगर्स खानापूर -3396 रु., मलाप्रभा सहकारी कारखाना एमके हुबळी (ता. बैलहोंगल) -3165 रु., रेणुका शुगर्स रायबाग -3448 रु., रेणुका शुगर्स बुर्लकट्टी (ता. अथणी) -3534 रु., रेणुका शुगर्स मुनवळ्ळी (ता. सौंदत्ती) -3773 रु., सतीश शुगर्स हुनशाळ (ता. गोकाक) -3635 रु.,
संगम कारखाना हिडकल डॅम -3589 रु., शिरगुपी शुगर्स कागवाड -3491 रु., शिवशक्ती शुगर्स सौंदत्ती (ता. रायबाग) -3623 रु., शिवसागर शुगर्स उदपुडी (ता. रामदुर्ग) -3485 रु., सोमेश्वर कारखाना सिद्दसमुद्र (ता. बैलहोंगल) -3657 रु., सौभाग्य लक्ष्मी कारखाना हिरेनंदी (ता. गोकाक) -3089 रु., दि मार्कंडेय साखर कारखाना काकती (ता. बेळगाव) -3475 रु., दि उगार शुगर्स उगारखुर्द (ता. अथणी) -3654 रु., व्यंकटेश्वरा पॉवर प्रोजेक्ट बेडकीहाळ (ता. चिक्कोडी) -3693 रु. आणि विश्वराज शुगर्स बेल्लद बागेवाडी (ता. हुक्केरी) 3632 रुपये.
