बेळगाव लाईव्ह: हेस्कॉमचे बेळगाव शहर विभागाचे नूतन कार्यकारी अभियंता म्हणून अश्विन शिंदे यांची नियुक्ती झाली असून नुकतीच त्यांनी आपल्या अधिकार पदाची सूत्रे हाती घेतली.
हेस्कॉमचे कार्यकारी अभियंता असणाऱ्या अश्विन शिंदे यांनी यापूर्वी बेळगाव शहर उपविभाग 3 चे सहाय्यक कार्यकारी अभियंता म्हणून सेवा बजावली आहे.
या सेवा काळात त्यांनी श्री शिवजयंती उत्सव आणि श्री गणेशोत्सव या शहरातील सर्वात मोठ्या उत्सवांच्या काळात आपल्या सहकाऱ्यांच्या मदतीने अतिशय उत्तम कार्य करून वरिष्ठ अधिकाऱ्यांसह मंडळाचे पदाधिकारी, कार्यकर्ते अशी सर्वांचीच मने जिंकली होती.
त्यांच्या या कार्याची जणू पोच पावती म्हणूनच की काय आता कर्तव्यदक्ष अश्विन शिंदे यांची बेळगाव शहराचे हेस्कॉम कार्यकारी अभियंता म्हणून नियुक्ती झाली आहे.
यापूर्वी त्यांनी सेक्शन आॕफीसर तसेच शहरातील तिन्ही विभागात उपविभाग अधिकारी म्हणून प्रामाणिकपणपणे काम केले आहे. तसेच केपीटीसीएल 220 बेळगाव स्टेशन मध्ये देखभाल विभागात काम केले आहे.
कार्यकारी अभियंता अश्विन शिंदे यांनी गेल्या सोमवारी अधिकार पदाची सूत्रे हाती आपले कार्य सुरू केले आहे. बेळगाव शहराच्या कार्यकारी अभियंता पदी नियुक्ती झाल्याबद्दल शिंदे यांचे त्यांच्या खात्यासह सर्वत्र अभिनंदन होत आहे.
