भूखंड खुल्या जागाबाबत मनपा बैठकीत काय झाली चर्चा

बेळगाव लाईव्ह :ब.कुडची येथील महापालिकेच्या भूखंडाची परस्पर विक्री करून घोटाळा करण्यात आला आहे त्यामुळे याप्रकरणी चौकशी करण्यात आली असून हे प्रकरण लोकायुक्तांकडे सुपूर्द करण्यात येणार आहे अशी माहिती महापालिका आयुक्त अशोक दुडगुंटी यांनी महापालिकेतील दिली.

महापालिका सभागृहात शनिवारी सर्वसाधारण बैठक झाली. या बैठकीत सभेतील विषय पत्रिकेवरील भूखंड घोटाळा संदर्भाचा विषय आला असता त्यावेळी महापालिका आयुक्तांनी माहिती दिली.

नगरसेवक कोंगाली यांनी महापालिकेच्या भूखंडावर तिसऱ्याच व्यक्तीने दावा दाखल केला आहे. भुखंड परस्पर लाटण्यात आला आहे. त्यावर महापालिका प्रशासन गप्प बसून आहे असा आरोप केला. त्यावर आयुक्त दुडगुंटी यांनी, आपल्याला या प्रकरणाची संपूर्ण माहिती आहे मार्कंडेय जलाशयामुळे बेघर झालेल्यांना बसवन कुडची परिसरात महापालिकेचे भूखंड देण्यात आले आहेत.

त्यापैकी एका लाभार्थ्याने हा भूखंड परस्पर दुसऱ्याला विकला असून दुसऱ्याच्या नावावरील भूखंड तिसऱ्याच्या नावावर चढला आहे. यामध्ये महापालिकेच्या महसूल विभागातील आणि उप नोंदणी कार्यालयातील कर्मचाऱ्यांचा गैरव्यवहार समोर आला आहे. त्यामुळे आपण या प्रकरणी मूळ मालकाला न्यायालयात जाण्याचा आदेश बजावला आहे.

या भूखंडाबाबत कोणताही गैरव्यवहार होऊ नये, यासाठी पीआयडी क्रमांक ब्लॉक करण्यात आला आहे. एकदा नोंदणी झालेला भूखंड मला परत करता येत नाही त्यामुळे माझ्या अधिकारात जेवढे होईल तेवढे प्रयत्न मी केले आहेत.

आमदार राजू सेठ यांनी शहरात अशा प्रकारे अनेक ठिकाणी महापालिकेचे भूखंड लाटण्याचा प्रयत्न होत आहे. असे प्रकार होऊ नये यासाठी महापालिकेने उपायोजना आखाव्यात मोकळ्या जागेवर फलक उभारावेत, अशा सूचना केल्या.

त्यावर आयुक्त दुडगुंटी यांनी आपल्याकडे काही तक्रारी आले आहेत त्यानुसार आम्ही आता एकाच जागेवर दोन दोन पीआयडी क्रमांक असल्यास ब्लॉक करून लोकायुक्तांकडे तक्रार करण्याचा निर्णय घेतला आहे अशी माहिती दिली.