बेळगाव लाईव्ह:घटप्रभा शहरातील वाहतुक कोंडी टाळण्यासाठी बायपास रस्त्यावरून बनहट्टीकडे जाणारी हळद व्यापाऱ्यांची टाटा नेक्सॉन कार घटप्रभा कालव्यात कोसळली.
कार मधील एकाने पोहत काठ गाठला पण बुडत असलेल्या एकाला एका तरुणाने स्वतःचा जीव धोक्यात घालून वाचवले.
दुरदुंडी-मल्लापूर बायपास रोडला लागून घटप्रभा डावा कालवा असून बुधवारी सायंकाळी कार कालव्यात पडली.
कारमध्ये असलेले बनहट्टी रामपुरी येथील व्यापारी खलील राजन्नवर व मल्लिक मुल्ला गाडी कालव्यात पडताच दार उघडून दोघेही बाहेर पडले. मल्लिक मुल्ला पोहत तीरावर आले. पोहता येत नसलेला खलील हा कालव्यात बुडत असल्याचे पाहून चेतन विठ्ठला वडेयार याने प्राण कालव्यात उडी मारून खलीलची सुटका केली.
चेतन वडेयार याच्या धाडसाचे खूप कौतुक होत आहे. बनहट्टीहून घटप्रभा शहरात हळद व्यवसायासाठी आलेले हे दोन व्यापारी आता सुखरूप आहेत.
